College of Law and Politics

ل زانکۆیا نەورۆز پەنەلەک ل دۆر دەستوورێ هەرێما کوردستانێ هاتە پێشکێشکرن

ل زانکۆیا نەورۆز پەنەلەک ل دۆر دەستوورێ هەرێما کوردستانێ هاتە پێشکێشکرن

کۆلیژا یاسا و ڕامیارى ب هەڤکارى ل گەل تۆڕا هەماهەنگیا ڕێکخراوێن نەحکومى/ نڤیسینگەها دهۆکێ، ل ڕۆژا شەمبیێ ڕێکەفتى (27/11/2021) ل دەمژمێر (10:00) سپێدێ، پەنەلەکێ زانستى بۆ قوتابیان ل ژێر ناڤونیشانێ (دەستوور ژێدەرێ ڕێکخستنا گەلانە) ل هۆلا نەورۆز د ناڤ کەمپوسا زانکۆیێدا ڕێکخست.
ل دەستپیکێ وەکو ڕێزگرتن ئامادەبووى خۆلەکەکێ ب بێدەنگى ل گەل سروودا نشتیمانیا (ئەى ڕەقیب) بۆ گیانێ شەهیدان ڕاوەستیان، پاشى ڕێورەسمێن پەنەلێ ب پێشکێشکرنا سێ سمیناران ژ لایێ قوتابیانڤە دەستپێکر، ئەو ژى:
ـ بیرهات هاروون ڕەشید/ قۆناغا چارێ ـ پشکا یاسایێ
(ڕەشنڤیسێ دەستوورێ هەرێما کوردستانێ د ناڤبەرا چاڤدێریکرن و شەرعیەتێدا)
ـ ڤیان حسێن خەلەف/ قۆناغا دووێ ـ پشکا یاسایێ
(چاوانیا هشیارکرنا جڤاکى دەربارەى ڕەشنڤیسێ داهاتیێ هەرێما کوردستانێ)
ـ گارە سەفەر محەمەد/ قۆناغا سێ ـ پشکا زانستێن سیاسى
(خواندنەکا سیاسى ل ژێر سیبەرا دەستوورێ هەرێما کوردستانێ)
ئارمانجێن سازکرنا پەنەلێ بهێزکرنا شیانێن زانستى یێن قوتابیان، پشتەڤانیکرنا قوتابیان بۆ بەرهەڤکرنا ڕاپۆرت و ڤەکۆلینێن ئەکادیمى و پشکداریکرن د پەنەلێن زانستیدا، وەرگرتنا تێبینى و بۆچوونێن قوتابیان ل دۆر ڕەشنڤیسێ داهاتى یێ هەرێما کوردستانێ و گرنگیدان ب هەستێ نشتیمانى و بەرپرسیاریا یاسایى بوون.

Share :