ل زانکۆیا نەورۆز سەمپۆزیومەکا نێڤدەولەتى هاتە گێڕان

پشکا زانستێن سیاسى ل کۆلیژا یاسا و ڕامیارى ب هەڤکارى ل گەل کۆمەلەیا ئەکادیمى یا زانستێن سیاسى، سەمپۆزیومەکا نێڤدەولەتی ل دۆر "دەڤەرێن کوردستانى یێن ژدەرڤەى کارگێریا هەرێمێ" ل ڕۆژا شەمبیێ ڕێکەفتى (4/12/2021) ل دەمژمێر (11:00) سپێدێ، ل هۆلا نەورۆز ل کۆلیژا کارگێرى و ئابۆرى گێرا.
سەمپۆزیوم ژ دوو پانەلێن سەرەکى پێکدهات، ئەو ژى: ڕوویێ سیاسى، دیرۆكی و هەڤڕکیێن ئێتنیکى و ئایینى کو ژ لایێ د. محەمەدعەلى یاسین تاها ـ زانکۆیا نەورۆز - زانکۆیا لیسبۆن، پۆرتۆگال ڤە هاتە برێڤەبرن و پەنەلیستان ب ئاوایەکێ هویربین سمینارێن خۆ پێشکێشکرن.
پەنەلێ دووێ ل ژێر ناڤونیشانێ: گوهۆڕینێن دیمۆگرافى و ڕۆلێ هەرێما کوردستانێ د ڕێگریکرنێدا کو ژ لایێ م. ماندان سه‌عده‌ددین زانکۆیا نەورۆز ـ زانکۆیا پاریس 11 ـ فەرەنسا ڤە هاتە برێڤەبرن و پەنەلیستان د دەمەکێ دەستنیشانکریدا سمینارێن خۆ پێشکێشکرن.
ل دووماهییا هەردوو پانەلان دەرگەهێ دانوستاندنێ هاتە ڤەکرن و ئامادەبوویان دیتن و بۆچوونێن خۆ ل دۆر بابەتان دەربڕین.

بەڵاڤ بکە :