سەنتەرێ زمانى
سەنتەرێ زمان و وەرگێڕانێ ل کۆلیژا زمان - زانکۆیا نەورۆز
١ـ دیدا سەنتەرى:
سەنتەر پێکۆلێ دکەت كو ببیتە ئێك ژ ناڤدارترین و باشترین سەنتەرێن فێربوون و وەرگێڕانی زمانی ل سەر ئاستێ هەرێمی، ب ڕێكا دانا كواڵێتییەكا باش و مودێرن د هەمی كار و چالاكییێن خوەدا. ئارمانج ژ ئەڤی سەنتەری ل زانكۆیا نەورۆز، ئەوە كو زانكۆیێ ڕۆلێ خۆ د پێشئێخستن و گەشەسەندنا جڤاكیدا هەبیت. زێدەباری ڕۆلێ زانكۆیا نەورۆز د پێشئێخستنا خواندنا بلنددا ل هەرێما كوردستانێ و ڤەدیتنا ژێدەرێن دراڤی بۆ زانكۆیێ.
2- كارێ سەنتەری:
كارێ سەنتەری پێکدهێت ژ ڤەكرنا خۆلێن زمانی ل دویڤ پیڤەرێن زانستی، ب تایبەت خۆلێن فێركرنا زمانێ ئینگلیزیێ وەك ئێك ژ گرنگترین زمانێن زانستی و ئەكادیمی ل جیهانێ. زێدەباری وەرگێڕانا بەڵگەنامە و ڕێبەر و نڤیسارێن فەرمی و وێبسایتێن ئەلكترۆنی. هەر دیسان هەلسەنگاندنا زمانڤانی بۆ نامە و تێزێن خواندنێ و كۆڤارێن زانستی. سەنتەر دێ خۆلێن فێركرنا ئەڤان زمانان ڤەكەت:
- زمانێ كوردی
- زمانێ ئینگلیزی
- زمانێ عەرەبی
ئەڤ سەنتەرە دێ باوەرنامەیێن پشکداریێ دەت.
3- ئارمانجێن سەنتەری:
1- ڤەكرنا خۆلێن بهێزكرنا زمانێ ئینگلیزی بۆ مامۆستا و كارمەندێن زانكۆیێ، ژ بۆ هاریكاریكرنا ئەوان د نڤیسینا نامە و تێزێن دكتۆرایێ و ڤەكۆلینێن زانستیدا و شەهرەزابوون د پێشكێشكرنا سمینار و كۆنفرانساندا.
2- ڤەكرنا خۆلێن ئامادەكرنێ بۆ هەر دوو تێستێن TOFEL, ILETSێ.
3- بهێزكرنا شیانێن زمانی یێن ئەوان مامۆستا و قوتابییان، ئەوێن حەزا تەمامكرنا خواندنێ ل دەرڤەیی هەرێمێ هەین.
4- ڤەكرنا خۆلێن فێركرنا زمانی بۆ ئەوان قوتابییێن حەزا فێربوونا زمانێ ئنگلیزی هەین، هەتا وەكو بشێن مفایی ژ ژێدەرێن بیانی ببینن.
5- ڤەكرنا خۆلێن فێربوونا زمانێن بیانی هەتا وەكو پێدڤییێن دەزگەهێن میری و كۆمپانییان دابین بكەت.
6- هاریكاریكرنا تاكێن جڤاكی بۆ فێربوونا زمانێ ئینگلیزی.
7- فێركرنا ئەوان كارمەند و مامۆستایێن زانكۆیێ ئەوێن زمانێ كوردی نزانن.
8- ڤەكرنا خولێن فێركرنا زمانێ عەرەبی بۆ هەر كەسەكێ حەز ل سەر هەبیت.
9- وەرگێرانا بەڵگەنامە و هەڤبەند و ڕێبەر و پاداشتێن لێكتێگەهشتنێ و وێبسایتێن ئەلكترونی.
10- هەلسەنگاندنا زمانڤانی بۆ نامە و تێز و ڤەكۆلینێن زانستی.
11- هەڤكاری ل گەل سەنتەرێن دیتر یێن زمانی ل زانكۆێن هەرێمێ و ئیراقێ د بیاڤێ لێکگوهۆڕینا شیاناندا.
4- ڕێڤەبەرییا سەنتەری:
ئەڤ سەنتەرە ژ ئەڤان پشكان پێكدهێت:
- ڕێڤەبەرێ سەنتەری
- سەرۆكێن پشكان
- مامۆستاێن میلاك یێن سەنتەری
- كارگێڕی و سكرتاری
- كارگۆزار
ڕێڤەبەرێ سەنتەری ب كێماتی ب پلەیا سەرۆك پشک بیت و تایبەتمەند بیت د ڕێكێن وانەگۆتنێدا و شەهرەزایی د زمانڤانییا پڕاكتیكیدا هەبیت.
سەنتەری دێ ئەنجومەنێ كارگێڕی هەبیت كو ژ ڕاگرێ كۆلیژێ و ڕێڤەبەرێ سەنتەری و نوینەرێن پشكێن زمانێ ئنگلیزی و كوردی و عەرەبی پێكدهێت.
5- تایبەتمەندیێن ئەنجومەنێ كارگێڕییێ سەنتەری:
ئێك: دانا پلان و ستراتیژییا سەنتەری
دوو: پێشنیاركرنا بوودجەیا تێچوویا سەنتەری
سێ: دەستنیشانكرنا ئەندامێن دەستەیا وانەگۆتنا سەنتەری
چوار: هاوردەكرنا پەرتووك و پێدڤیێن خواندنێ
بڕیار و ڕاسپاردەێن سەنتەری، دێ هێنە بلندكرن بۆ سەرۆكێ زانكۆیێ ب ڕێك و پشتگیرییا ڕاگرێ كۆلیژێ.
6- یەكەیێن سەنتەری:
سەنتەر ژ كۆمەكا یەكەییان پێكدهێت كو ڕاستەوخۆ گرێدایی رێڤەبەرێ سەنتەری نە:
- یەكەیا زمانی: ڤەكرنا خۆلێن بهێزكرنا زمانێن ئینگلیزی و كوردی و عەرەبی و ئامادەكرن بۆ تێست و ئەزموونێن TOFEL, ILETSێ.
- یەكەیا وەرگێڕانێ: وەرگێڕانا بەڵگەنامە و پەرتووكان.
- یەكەیا هەلسەنگاندنا زمانڤانی یا نامە و كۆڤارێن زانستی
- یەكەیا ژمێریاری
7- ڕێنمایێن خواندنێ ل سەنتەری:
1- خواندن ل سەنتەری دێ ب ڕێكا خۆلان بیت و ل دویڤ ئاست و دەمژمێرێن كو ڕێڤەبەرییا سەنتەری دیاردكەن.
2- ئامادەبوونا پشكداران دێ ب ڕێكەكا فەرمی بیت و ئامادەنەبوون دێ هێنەهژمارتن و دڤێن پێگربن ب ئامادەبوونێ.
3- خۆل د ماوەیێ ساڵا خواندنێدا دێ هێنەڤەكرن و ئەنجومەنێ زانكۆیێ دەستهەلاتا بڕیاردانا ڤەكرنا ئەڤان خۆلان د بێهنڤەدانا هاڤینێدا هەیە.
4- دەوامكرن دێ دوو شەفت بیت (سپێدەهییان و ئێڤاران).
8- ڕێنمایێن پشکداریکرنێ د خۆلاندا:
1- هەر پشکداربوویەک بەری دەمێ خولێ دێ هێتە كاندیدكرن چ ژ لایێ زانكۆیێڤە یان هەر دەزگەهەكێ دیتر یێ میری، هەتاكو سەنتەر ژمارا پشکداران بزانیت.
2- هنارتنا پسۆلا دانا پاران ل گەل پشتگیریا پشکداریێ و ل بەرامبەر وەرگرتنا پسۆلا وەرگرتنا پارەی.
3- پێدڤییە ل سەر هەر پشکداربوویەکێ پێگریێ ب ڕێنمایی و دەمێن وانان بكەت ل دویڤ خشتەیێ دهێتە ڕاگەهاندن.
4- هەر پشکدارەک ب ڕێژا ئامادەنەبوونا وی ژ 20% دەربازببیت یان بەرهەڤی ئەزموونا دووماهیكێ نەبوو، دێ هێتەهژمارتن وەك دەرنەچووی.
5- هەر كەسەك ل سەر بودجا خۆ یا تایبەت دشێت بەژداری خولان ببیت.
9- بەڵگەنامێن پێدڤی بۆ پێشكێشكرنێ:
1- وێنەیەكێ ڕەنگاورەنگ.
2- كۆپیەكا ناسنامەیا بارێ شارستانی یان ژی پاسپۆرتێ.
3- پسۆلا دانا پارێن پشکداریکرنێ (كاش یان ب ڕێكا سەكەكێ بۆ زانكۆیا نەورۆز – سەنتەرێ زمانی).
4- پشتگرییەكا فەرمی ژ ڕێڤەبەرییا پشکدار تێدا كاردكەت.