وەکو پشتەڤانەک بۆ سەرخستنا فلمەفیستەڤالا دهۆک یا نێڤدەولەتی، زانکۆیا نەورۆز  ب تیمێن خۆ یێن ئەکادیمی، کارگێری و قوتابیێن خۆبەخش د ڤێ فیستەڤالێ دا پشکدار بوون. ل رۆژا ٦\١٢\٢٠٢٢ ب هەڤکاری ل گەل رێڤەبەریا گشتی یا رەوشەنبیری وهونەری ل پارێزگەها دهۆکێ پانێلەک ل ژێر ناڤونیشانێن سینەمایا کوردی و پرسێن ناسنامەیا نەتەوەیی رێکخست . تێدا، د. محەمەدعەلی یاسین، هاریکارێ سەرۆکێ زانکۆیێ، وەکو پانێلیست بابەتێ خۆ ل دۆر سینەمایێ و درستکرنا ناسنامەیا کەلتۆری و نەتەوەیێ پێشکێشکر، کو ژلایێ د. یاسرێ حەسەنی ڤە دهاتە برێڤەبرن. دهێتە زانین، د. لەزگینێ چالی، د. شۆرەشڤان عادل و دەرهێنەر شینوار کەمال ب بابەتێن خۆ یێن گرێدای پرسا سینەما و سیاسەتا زمانی، ناسنامە و زمان، و ڤەگێرانا رویدانێن مەزن ب رێیا چیرۆکێن بچویک پشکداری پانێلێ بوون.