کۆلیژا کارگێڕى و ئابوورى

ل ڕۆژا ئێکشەمبێ ڕێکەفتى (28/2/2021) ل دەمژمێر (11:00) سپێدێ، ب ئامادەبوونا ڕێزدار پڕۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز و بەڕێزان هاریکارێن سەرۆکێ زانکۆیێ و مامۆستا و قوتابیییان و دەزگەهێن ڕاگەهاندنێ، ڕاگرییا کۆلیژا کارگێرى و ئابوورى کۆنفرانسەک ب ناڤێ (بوودجەیا عیراقێ یا سالا 2021ێ ل ژێر نزمبوونا دوولایەنی - بۆچوونا هەرێما کوردستانێ) گێڕا.
تەوەرێ ئێکێ ژ ڕوینشتنا ڕۆژا ئێکێ یا کۆنفرانسى، ب سمینارا ڕێزدار دکتۆر (ئەحمەد صەفار) ئەندامێ جڤاتا نوینەرێن عیراقێ دەستپێکر، بەڕێزى ب تێر و تەسەلى بابەتێ خوەیێ ل سەر بوودجەیێ بۆ ئامادەبوویان پێشکێشکر. پاشان دەرگەهێ دانوستاندنێ هاتەڤەکرن و ئامادەبوویان دیتن و بۆچوونێن خوە ل دۆر دەربڕین.
د تەوەرێ دوویێدا ڕێزدار دکتۆر (سەمیر فەخرى) ڕاگرێ کۆلیژا کارگێرى و ئابوورى بەحسێ (کاریگەرییا کێمکرنا بهایێ دراڤى ل سەر بوودجەیا گشتییا عیراقێ یا سالا 2021ێ و ئاماژەدان ب هەرێما کوردستانێ) کر.
هەژییە بێژین، کو کۆنفرانس دێ بۆ دەمێ دوو ڕۆژان ب بابەت و سمینارێن جوداجودا بەردەوام بیت.