ل ڕێکەفتیێن (10 و 11/ 10/ 2022) ل دەمژمێر (7:00) ئێڤارى، كۆليژا كارگێرى و ئابوورى ب ههڤكارى ل گهل دهزگههێ ئيفاد يێ ئهكاديمى، ڕابوون ب گێڕانا ووركشۆپهكێ ئۆنلاين ل سهر "بهلاڤكرنا ڤهكۆلينێن زانستى ل گۆڤارێن ناڤدهولهتى" ل سهر پلاتفۆرما زووم ميتينگ.
پشك و بابەتێن ووركشۆپێ:
ڕۆژا ئێكێ یا وورکشۆپێ، ژ لایێ د. عەبدولا ئەلشنتى دامەزرێنەرێ دەزگەهێ ئیفاد و د. ژیار محەمەد ئیسماعیل سەرۆکا پشکا کارگێرى کارڤە هاتە برێڤەبرن و ئەڤە تەوەرێن ل خوارێ هاتنە بەحسکرن:
ـ پێشهكييهك ل سهر گرنگييا بهرههمئينانا ڤهكۆلينێن باش و ئاستبلند د پێشڤهبرنا ئاستێ زانكۆياندا و ناڤداربوونا مامۆستايان د جڤاكێن ناڤدهولهتيدا.
ـ بنهمايێن ڤهكۆلينێن باش بۆ بهلاڤكرنێ د گۆڤارێن ناڤدهولهتيدا.
ـ ڕۆژا دويێ یا وورکشۆپێ، دیسان ژ لایێ د. ژیار محەمەد ئیسماعیل سەرۆکا پشکا کارگێرى کارڤە هاتە برێڤەبرن و دانوستاندن ل سەر تەوەرێن ل خوارێ هاتەکرن:
ـ نيشاندانا باشترين گۆڤارێن ئهكاديمى د داتابهيسێن ناڤدهولهتيدا.
ـ دانوستاندن ل گهل پشكدارێن ووركشۆپى.
هەژیە بێژین، کو ئارمانجێن سەرەکى یێن وورکشۆپێ پێکدهاتن ژ:
1ـ دياركرنا بنهمايێن ڤهكۆلينێن باش و پشتهڤانيكرنا بهلاڤكرنێ ل گۆڤارێن ناڤدهولهتى.
2ـ زێدهكرنا زانياريێن ڤهكۆلهران ل سهر ڤهكۆلينان و لێگهڕيانا باشتر و ل بهردهستكرنا گۆڤارێن زانستى و داتابهيسێن ناڤدهولهتى.
3ـ زێدهكرنا زانياريێن ڤهكۆلهران ل سهر چاوانيا بهلاڤكرنا ڤهكۆلينان ل كۆڤارێن ناڤدهولهتى.