کلینیکا یاسایى

کلینیکا یاسایی ل کۆلیژا یاسا و ڕامیاری ل زانکۆیا نەورۆز ب ڕێکەفتن ل گەل ڕێکخراوا (USAID) یا ئەمریکی هاتییە دامەزراندن. ل سالا خواندنێ (2015 - 2016) دەست ب چالاکییێن خوە کرییە، هەر ژ دەستپێکا ڤەکرنێ و هەتا نوکە شیایە چەندین ڕاوێژییێن یاسایی بۆ کەسانێن کێمدەرامەت و گرۆپێن پەراوێزکرى د ناڤ کۆمەلگەهێدا بێبەرامبەر دابین بکەت. ئەڤ ڕاوێژە ژ لایێ پارێزەرێن گرێدایی ب کلینکێڤە هاتینەدان، ئەوێن سەر ب ستافێ ئەکادیمیڤە (ستافێ یاسا و ڕامیاری). ئەڤە ڕاوێژە بووینە ئەگەر کو گەلەک ژ کێشە و ئاریشەیێن یاساییێن هەلاویستی د ناڤ دامودەزگەهێن میریدا چارەببن، ب تایبەتى ژ بۆ ئەوان گرۆپێن مە ئاماژەپێکری.
زێدەباری ئەڤێ چەندێ، کلینیکێ شیایە چەندین خۆلێن گەشەپێدانێ و وۆرکشۆپان ڤەکەت. هەروەسا زنجیرەیەکا دیدارێن دانوستاندنێ ب ئارمانجا پەرەپێدانا کارێ مرۆڤی ب خۆبەخشانە ڤەکرینە. هەژی گۆتنێیە کو ئەڤان جۆرە چالاکییان ئارمانجێن خوە د کەتواریدا بجههیناینە.
کلینیکا یاسیایی ل کۆلیژا یاسا و ڕامیاری بزاڤێ دکەت، کو ئەڤان ئارمانجێن ل خوارێ بجهبینیت، وەکی:
1. هاريكاریيا گرۆپێن پەراوێزکرى و خەلکێ کێمدەرامەت د ناڤ کۆمەلگەهێدا، ب ڕێیا پێدانا ئامۆژگارییێن یاسایی و چارەسەرکرنا کێشەیێن ئەوان یێن هەلاویستی د دامودەزگەهێن حکومەتێدا.
2. ڤەکرنا خۆلێن گەشەپێدانێ و وۆرکشۆپان بۆ قوتابیییان، ب ئارمانجا پشتەڤانیکرنا کارێ خۆبەخشییێ.
3. دروستکرنا سیمناران بۆ قوتابییێن د ناڤ زانکۆیێدا، کو ئەو بابەتە تێدا بهێنە ئازراندن یێن گرێدایێ پیشەیێ پارێزەرییێ. مەرەم ژێ بلندکرنا ئاستێ ئەوان یێ زانستی و گرێدانا ئەوی ئاستی ب لایەنێ پڕاکتکیڤە. هەروەسا ئامادەکرنا قوتابییان ژ بۆ زالبوونێ ل سەر ئەوان کێشە و گرفتێن دهێنە د ڕێیا ئەواناندا، ب تایبەتى د دەمێ بجههینانێدا و گەلەک کار و چالاکییێن دیتر کو ب چ شێوەیەکێ داهاتێ ماددی نەکرییە ئارمانج.