College of Law and Politics

ل زانکۆیا نەورۆز سەمپزیۆم و پێشانگەهەکا نێڤدەولەتى هاتە ڤەکرن

ل زانکۆیا نەورۆز سەمپزیۆم و پێشانگەهەکا نێڤدەولەتى هاتە ڤەکرن

ل ژێر چاڤدێریا پ. د. عەبدولوەهاب خالد مووسا سەرۆکێ زانکۆیا نەورۆز و ل ژێر دروشمێ (داهێان و ئافراندن، گاڤەک بەر ب پێشڤە) کۆلیژا یاسا و ڕامیارى ب هەڤکارى ل گەل سەنتەرێ نێڤدەولەتیێ فڕەنسى یێ داهێنەر و ئافراندنێ و کۆلیژا مەعارف یا زانکۆ و دەزگەهێ فەراهیدى یێ فێربوونێ، سەمپزیۆم و پێشانگەهەکا نێڤدەولەتى ب ناڤونیشانێ (پێشانگەها نەورۆز یا نێڤدەولەتى یا داهێنان و ئافراندنێ / بەریکانەیا ئەدیسۆنى یا نێڤدەولەتى ژ بۆ باشترین داهێنان) ل ڕێکەفتیێن 2 و 3/ 11/ 2021ێ ل دەمژمێر (10:00) سپێدێ ل هۆلا نەورۆز د ناڤ کەمپوسا زانکۆیێدا ڤەکر.
ل دەستپێکا ڕێورەسمان سەرۆکێ زانکۆیێ پەیڤەک پێشکێشکر، د پەیڤا خوەدا بخێرهاتنا مێهڤان و ئامادەبوویان کر و ب هویرى ل سەر پێشانگەها ناڤبرى و گرنگیا وێ ئاخڤت. پاشى ئاماژە ب شیان و داهێنانێن تاکێن وەلاتى و پاراستنا مافێن وان دا، هەروەسا ب گرنگى بەحسێ پرۆژەیان و پشتەڤانیکرنا خودانێن وان ژ ڕوویێ مادى و مانەوى کر.
ل دویڤدا لایەنێن پشکدار ژى پەیڤێن خۆ خواندن و سوپاسیا زانکۆیا نەورۆز کرن ژ بۆ گرنگی و پویتەدان ب پێشانگەها نێڤدەولەتى یا داهێنان و ئافراندنێ و خواستن کار و چالاکیێن وەها ب بەردەوامى بهێنە گێران.
د هەمان چارچووڤەدا و ب مەرەما خورتکرنا پەیوەندیێن زانستى و ئەکادیمى، زانکۆیا نەورۆز دوو ڕێکەڤتنامەیێن ل هەڤتێگەهشتنێ ل گەل (کۆلیژا المعارف یا زانکۆ و کۆلیژا الهدی یا تایبەت) مۆرکرن.
ل دووماهیێ فەرە بێژین، کو د سەمپزیۆمێدا پتر ژ 50 داهێنان و ئافراندنێن جودا هاتنە نیشاندان و دانوستاندن ل سەر هاتنەکرن.

Share :