کۆلیژا یاسا و زانستێن سیاسی

ل ڕۆژا دووشەمبێ ڕێکەفتى (16/1/2022) ل دەمژمێر (11:00) سپێدێ، زانکۆیا نەورۆز و پەیمانگەها ئارارات ل گەل جڤاتا پارێزگەها دهۆکێ سەمپزیۆمەک ب ناڤونیشانێ (بورجێن گەهاندنێ د ژیانا سەردەمدا د ناڤبەرا ڕێکخستن و بەرەلایێدا) ل هۆلا نەورۆز گێرا.
ل دەستپێکێ پ. د. عەبدولوەهاب خالد مووسا سەرۆکێ زانکۆیێ پەیڤەک ل دۆر گرنگییا بابەتى وکەتوارێ بورجان ل هەرێما کوردستانێ پێشکێشکر. ل دویڤ ڕاگرا پەیمانگەها ئارارات پ. هـ. د. شرین حسنى پەیڤا خۆ پێشکێشکر و ب هویرى ل سەر ناڤەڕۆکا مژارێ ئاخڤت. هەروەسا پەیڤا وەزارەتا ڤەگوهاستن و گەهاندنێ ژ لایێ د. جەمال ئەحمەد حسێن ڤە هاتە خواندن. پاشى پانێلێ سەمپزیۆمێ د دەمێ خۆ یێ دەستنیشانکریدا دەستپێکر و پانێلێستان بابەتێن خۆپێشکێشکرن. ل دووماهییێ ژى، ئامادەبوویان دانوستاندن ل سەر بابەتان کر.
بۆ زانینا زانیاریێن زێدەتر ل سەر بابەتێن سەمپزیۆمێ تەماشەى برۆشۆرى بکە.