ل ڕۆژا شهمبیێ ڕێكهفتى (15/10/2022) ل دهمژمێر (11:00) سپێدێ، ب ئامادەبوونا پ. د. عەبدولوەهاب خالد مووسا سەرۆکێ زانکۆیێ و پ. د. ئەڤین خالد عەبدولرەحمان ڕاگرا کۆلیژا یاسا و ڕامیارى و مامۆستا و قوتابیێن زانکۆیێ، پشکا یاسایێ ل كۆلیژا یاسا و ڕامیارى ب ههڤكارى ل گهل سهندیكایا كرێكارێن كوردستانێ تایێ دهۆكێ و كارگێریا ئۆتێلا ژیان، ووركشۆپهك ب ناڤونیشانێ (پهیوهندیا كرێكارى ل گهل خودانكارى د ناڤبهرا تێكست و بجهئینانێدا) ل هۆلا پێداگوجى و پهرهپێدانا ئهكادیمى ل ئاڤاهیێ كۆلیژێ گێرا.
د وورکشۆپێ ناڤبریدا سێ تەوەر ب گەرمى هاتنە ئازراندن، ئەو ژى:
تهوهرێ ئێكێ: ڕۆلێ یاسایێ د ڕێكئێخستنا پهیوهندیا كرێكارى ل گهل خودانكاریدا
د. شێرزاد حهمید حهسهن ـ مامۆستایێ پشكا یاسایێ ل زانکۆیا نەورۆز
تهوهرێ دوویێ:
ڕۆلێ سهندیكایا كرێكاران د وارێ پاراستنا مافێن كرێكاراندا
ڕێزدار وهلات ئهمین ئۆزمانى ـ سهرۆكێ سهندیكایا كرێكارێن كوردستانێ تایێ دهۆكێ
تهوهرێ سێیێ:
كهتوارێ پهیوهندیا كرێكارى ل گهل خودانكارى ـ هۆتێلا ژیان وهكو نموونه
ڕێزدار عهبدولواحد مستهفا عهلى ـ ڕێڤهبهرێ ڕێپێدراوێ كۆمپانیا ژیان یا گەشتوگوزاری
پشتى هەر سێ تەوەر ب دووماهیک هاتین، بەرهەڤبوویان دانوستاندن ل سەر ناڤەڕۆکا بابەتان کر و ب دیتنێن خۆ وورکشۆپ دەولەمەند کرن. هەروەسا، ل بڕگەیا دووماهیێ ژى سوپاسنامە ب پەنەلیستان هاتنەدان.