ل دور

     ئارمانج ژ سازکرنا کونفراسێ زانستی یێ چارێ یێ نیف دەولەتی (دیاربوونا ئاسویێن پاشەروژێ یێن ئابووری هەرێما کوردستانا عیراقێ ل بن رووناهیا گوراویین هەنوکەیی دا) راوەستیانە ل سەر کەتوارێ ئابوورى یا ژ نوی پەیدابووی، وچارەسەرکرنا گرفتێن ئابوورى یێن کو پەیدادبن ژ نەبکارئینانا سامانێن ئابوورى یێن پری شیان ل سەر ئاستێ هەرێما کوردستانێ ودابینکرنا دەرفەتێن نوێ یێن کارى ودابینکرنا دەرفەتین نوێ یێن کارى بو تاک وجڤاکی، ومفاوەرگرتنەکا تەمام ژ هەمی شیان وسامانان وبەرهەفکرنا ووزە وشیانێن تاکێن جڤاکی بو بکارئینانا سامانێن بەردەست ورێکخستنا پەیوەندیان ب هەڤدوو لدەمێ کارێ ب کومەل دا یێ ئارەستەکرى بو ئەنجامدانا گوهورینا پاشەروژانە، هەروەسا کونفرانس هەولا بجە ئینانا ئارمانجەکا سەرەکی ددەت ئەوژی گەشەپێدانا ووزە وسامانێن ژ کارکەفتی ب ئارمانجا بکارئینانا وان ب باشترین شێوە تا کەرتێن ئابووری رولێ خوە هەبیت ل دروسکرنا تێکرایی بەرهەمێ نافخویی

     بوچوونێن ڤەکولەرێن ئابوورى دجورا وجور بوون سەبارەت دەستنیشانکرنا ئارمانجێن گەشەپێدانێ، هندەک وەسا دبینن کو ئارمانجین گەشەپێدانێ دبنەرت دا پێداگریێ ل سەر گرنگیا پێشکەفتنا جڤاکی وئابوورى دکەت، ومینا ئێک ژ گرنگترین ئارمانجێن گەشەپێدانێ  د هژمێرن ل سەر بنەمایێ وێ ئێکێ کو پروگرام وپروژێن گەشەپێدانێ ئارمانجا وان زامن کرنا باشترین ئاستین ژیارێ یە.

      وهندەک ڤەکولەرێن دی وەسا دبینن کوپێتڤیە پێدانگریێ ل سەر پروسا گەشەپێدانا شیانێن تاکێن جڤاکی بکەین بوکارکرن وهزرکرن وئەفراندن نویبوونەڤە وداهینانێ ب وێ ئێکێ کو هەمی بریتین ژ شیانێن پێدڤی بو بدەستڤەئینانا ئارمانجێن گەشەپێدانا بەردەوام وگشتی، وهەڤکاریا کارکرنێ دنافبەرا دەستەیێن کارکەر دبیاڤێ ئابوورى دا ورەنگڤەدانا وێ ل سەر هەمی کەرتێن ئابوورى دا، چ یێن حکومی یان یێن تایبەت تا بکارێن ئارمانجێن بو کاردکەین بجهبینین