ل زانکۆیا نەورۆز پێشانگەهەکا فۆتۆگرافى هاتە ڤەکرن

ل زانکۆیا نەورۆز پێشانگەهەکا فۆتۆگرافى هاتە ڤەکرن

ل ڕۆژا سێشەمبێ ڕێکەفتى (2/3/2021) ل دەمژمێر (11:00) سپێدێ، ب ئامادەبوونا ڕێزدار پرۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز و بەڕێزان هاریکارێن سەرۆکێ زانکۆیێ، ڕاگرێن کۆلیژان، قوتابییێن زانکۆیێ و دەزگەهێن ڕاگەهاندنێ، پێشانگەهەکا فۆتۆگرافى ژ بۆ فۆتۆگرافەرێ ناڤدارێ کورد (هونەر ساڵەى) ل هۆلا چالاکییان هاتەڤەکرن.
ل دەستپێکێ سەرۆکێ زانکۆیێ پەیڤەک ل دۆر پێشانگەهێ و گرنگیدان ب چالاکییێن جوداجودا پێشکێشکر. د پەیڤا خوەدا ئاماژە ب زانکۆیێ و ڕۆلێ ئەوێ د پێشخئێستنا کەرتێن جودایێن جڤاکى و چێکرنا پرێن پەیوەندییان و خورتکرنا بزاڤێن چاندى و ڕەوشەنبیرى دا. ژ لایێ خوەڤە ساڵەى سوپاسییا سەرۆکێ زانکۆیێ و پشتەڤانییا ئەوى یا بەردەوام ژبۆ کار و چالاکییێن کەلتوورى کر.
د پێشانگەهێدا 26 فۆتۆ ل سەر مژار و بابەتێن جودا هاتنە نیشاندان. ل دووماهییێ فەرە بێژین، کو ئەڤە دوویەمین پێشانگەهە ژ لایێ زانکۆیا نەورۆزڤە بۆ فۆتۆگرافەر (هونەر ساڵەى) دهێتە ڤەکرن.

بەڵاڤ بکە :