کۆلیژا زمان

پشکا زمانێ کوردی ل کولیژا زمانان ب هەڤکاری ل گەل رێڤەبەریا گشتی یا رەوشەنبیری و هونەری ل پارێزگەها دهۆکێ، سەمپۆزیومەکا تایبەت ل دۆر "رەوشا وەرگێرانێ و ئاستەنگ و گرفتێن وێ ل دەڤەرا بەهدینان" ل ڕۆژا چارشەمبێ رێکەفتى (22/12/2022) ل دەمژمێر (11:00) سپێدێ، ل هۆلا نەورۆز ل ناڤ کەمپوسا زانکۆیێ گێرا.
سەرۆکێ زانکۆیێ بخێرهاتنا مێهڤان و ئامادەبوویان کر و ب هویرى ل سەر پرۆسەیا وەرگێرانێ و ئەنجامدانا کارێن هەڤپشک ل گەل سازیێن ژدەرڤەى زانکۆیێ ئاخڤت. هەروەسا بەرهەڤیا زانکۆیێ بۆ گێرانا کار و چالاکیێن جودا د بیاڤێ زانستى و ڕەوشەنبیریدا ڕاگەهاند. پاشى ڕێڤەبەرێ گشتى یێ ڕەوشەنبیرى و هونەرى ل دهۆکێ، پەیڤا ڕێڤەبەرییێ پێشکێشکر و خۆشحالیا خۆ بۆ گێرانا چالاکیێ و کارکرنا ب هەڤڕا ل گەل زانکۆیا نەورۆز دیار کر.
ژ لایەکێ دیڤە و پشتى پەیڤ ب دووماهیک هاتین، ڕێورەسمێن سەمپۆزیومێ ب گێرانا سێ سمیناران ل دۆر بابەتێن جودا و کارێن وەرگێرانێ دەستپێکرن.
سمینارا ئێک ژ لایێ مامۆستا شەمال ئاکرەیى ڤە ل دۆر ئاستێ وەرگێرانێ بوو، سمینارا دووێ دەربارەى وەرگێران ژ دەقێ رەسەن و دەقێ دووێ ـ خوەشى و کاریگەرى ژ ئالیێ د. هەوار بەلۆ ڤە هاتە پێشکێشکرن. هەروەسا سمینارا سێیێ ژ لایێ مامۆستایێ زانکۆیا نەورۆز د. یاسر حەسەن ل دۆر رەخنەیا ڕەخنەیا وەرگێرانێ هاتە پێشکێشکرن و ب ئاوایەکێ ئەکادیمیانە بەحسێ بابەتێ خۆ کر.