کۆلیژا یاسا و زانستێن سیاسی

ل ڕۆژا شەمبییێ ڕێکەفتى (13/2/2021) ل دەمژمێر (10.00) سپێدێ، ب ئامادەبوونا ڕێزدار پرۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز و بەڕێز دکتۆر (محەمەدعەلى یاسین تاها) هاریکارێ سەرۆکێ زانکۆیێ بۆ کاروبارێن کارگێرى و دارایى و قوتابییان، ڕاگرییا کۆلیژا یاسایێ ب هەماهەنگى ل گەل سەندیکایا پارێزەرێن کوردستانێ تایێ دهۆکێ وورکشۆپەک ل ژێر ناڤونیشانێ (پارێزەرى چرایێ دادپەروەرییێیە) ل هۆلا پێداگۆجى و پەرەپێدانا ئەکادیمى گێڕان.
وورکشۆپێ ناڤبرى ژ پێنج تەوەرێن سەرەکى پێکدهێت و دێ بۆ دەمێ دوو ڕۆژان ب بەرهەڤییا مامۆستا و قوتابییێن کۆلیژا یاسایێ بەردەوام بیت.
تەوەرێن وورکشۆپى:
ئەرک و مافێن پارێزەرى ل ژێر ڕێسایێن یاسایا پارێزەرییێ ل هەرێما کوردستانێ یا ژمارە (17) ل سالا (1999) یا ڕاستڤەکرى
ئارمانجێن وورکشۆپى:
1ـ ئاشناکرنا قوتابییان ب ڕەوشتێن کارێ پارێزەرییێ، وەک ستوینەک بنگەهین ژ ستوینێن دادپەروەرییێ.
2ـ ئاشناکرنا قوتابییان ب سرووشتێ پەیوەندییا د ناڤبەرا پارێزەرى و بریکاردەریدا.
3ـ ئاشناکرنا قوتابییان ب مافێن پارێزەرى بەرانبەر بریکاردەرى.
4ـ ئاشناکرنا قوتابییان ب ئەرکێن پارێزەرى بەرانبەر بریکاردەرى.
5ـ ئاشناکرنا قوتابییان ب سرووشتێ یاسایێ بۆ ئەرکێن پارێزەرى د داوایێن بریکاردەرییێدا.
تەوەرێن وورکشۆپى:
ئەڤ وورکشۆپە ل سەر پێنج تەوەران دابەش دبیت و دێ بۆ دەمێ دوو ڕۆژان بەردەوام بیت.
ڕۆژا ئێکێ:
د ئەڤێ ڕۆژێدا دێ سێ تەوەر هێنە بەحسکرن، ژ ئەوانان:
تەوەرێ ئێکێ: پارێزەرى کار و هونەرە
پارێزەرێ ڕاوێژکار ـ دلێر بەکر عەبدولکەریم ـ سەرۆکێ سەندیکایا پارێزەرێن کوردستانێ تایێ دهۆکێ.
تەورێ دوویێ: مافێن مادى و ماناوییێن پارێزەرى
پارێزەرێ ڕاوێژکار ـ عسمەت عارف دۆسکى ـ ئەندامێ جڤاتا سەندیکایا پارێزەرێن کوردستایێ تایێ هەولێر.
تەوەرێ سێیێ: بنەمایێن ڕەوشتێ کارى د پارێزەرییێدا
پارێزەرێ ڕاوێژکار ـ محەمەد حەسەن عومەر ـ سەرۆکێ لیژنەیا بنەمایێن ڕەوشتێ کارى ل ژوورا پارێزەرێن دهۆکێ.
ڕۆژا دوویێ:
د ئەڤێ ڕۆژێدا دێ دوو تەوەر هێنە پێشکێشکرن، ئەو ژى ئەڤێن ل خوارێ دیارکرینە:
تەوەرێ ئێکێ: ئەرکێن پارێزەرى بەرانبەر بریکاردەرى
پارێزەرێ ڕاوێژکار ـ مەسعوود سلێمان ـ دادگەها تێهەلچوونا دهۆکێ.
تەوەرێ دوویێ: هونەرێ دادبینییێ (مرافعة) ل بەرانبەر دادوەرى
پارێزەرێ ڕاوێژکار بیار عسمەت عابد ـ دادگەها تێهەلچوونا دهۆکێ.
لیژنەیا بەرهەڤکارا وورکشۆپى:
1ـ پ.هـ.د. دلشاد عەبدولرەحمان یووسف سەرۆک
2ـ م.هـ. بزاڤ حەسەن شەرەف ئەندام
م.هـ. یاسین ئسماعیل عەبدولا ئەندام
چەنگ فەرحان تاهر ئەندام
دلێر کەمال ئەحمەد ئەندام