دەربارەى مه

دەربارەى زانکویا نەوروز 

لدەسپێکی زانکویا نەورز ژێرناڤێ " کولیژا دهوک یا زانکو " هاتبوو ناڤکرن لدەمێ هاتیە دامەزراندن ل ساڵا 2004  ژلایێ سەندیکا ئابوورناسان لپارێزگەها دهوکێ، پشتى رازەمەندیا بەرێز سەروک وەزیرێن هەرێما کوردستانا عێراقێ ل بەرورار 20/7/2004.

ودیسان هەر دڤێ بەروارێدا زانکویێ دەست بوەرگرتنا قوتابیان کریە، وپروسێسا فێرکرنێ ل 1/12/2004 دەستپێکریە، لدویڤ بریارا ژمارە 3/2 یا لێژنا شیرەتکاران (ل.راوێژکار) یا وەزارەتا خواندنێن بلند و ڤەکولێنێن زانستى ل هەرێما کوردستانا عێراقێ، بەروارا 1/12/2004.  

بشتى کو کولیژا دهوک یا زانکو هاتیە ڤەکرن ل ساڵا 2004 ێ بەردەوام بەرفرەهى (فراوانخوازى) بخوڤە دیتیە ل ساڵا 2009، کو ناڤ هاتیە گوهرین بۆ ( زانکویا نەوروز)، ل دویڤ بریارا ژمارە 2854 یا جڤاتا وەزیران ل هەرێما کوردستانا عێراقێ، ل بەروارا 15/9/2009. و راگەهاندن لسەر ڤێ بریارێ هاتە کرن بۆ دەزگەهێن دەڤەرێ لدویف بریاردەرێ 517 یا دەرچووى ل وەزارەتا خواندنێن بلند و ڤەکولێنێن زانستى ل بەروارا 5/10/2009.

نوکەژی زانکو پێنج کولیژان بخوڤە دگریت، کولیژا یاسا ورامیارى، کولیژا کارگێرى وئابوورى، کولیژا کومپیوتەرى و IT، کولیژا زمان، کولیژا ئەندازیارى، دگەل ئەندامێن دەستەکا فێرکرنێ.