کۆلیژا یاسا و زانستێن سیاسی

ل ڕۆژا شەمبییێ ڕێکەفتى (28/11/2020) ل دەمژمێر (10:00) سپێدێ، پشکا یاسایێ ل کۆلیژا یاسا و ڕامیارى ب هەڤکارى ل گەل ڕێڤەبەرییا گشتییا شارەوانییان ل پارێزگەها دهۆکێ، سمینارەک تایبەت ل دۆر بابەتێ (کاریگەرییا کارگێرییا ئەلیکترۆنى ل ژێر ڤایرۆسێ کۆڤید 19) گێڕان.
د سمینارا ناڤهینایدا بەڕێز دکتۆر (محەمەدعەلى یاسین تاها) هاریکارێ سەرۆکێ زانکۆیێ بۆ کاروبارێن کارگێرى و دارایى و بەڕێزان مامۆستا و قوتابییێن زانکۆیێ بەرهەڤبوون، پشتى سمینار ب دووماهیک هاتى ئامادەبوویان دیتن و بۆچوونێن خوە دەربارەى سمینارێ دەبڕین و دانوستاندن ل دۆر پرسیاران هاتەکرن.
گرنگە بێژین، کو سمینار ژ دوو پەنەلێن سەرەکى پێکهاتبوون، ئەو ژى:
1ـ کاریگەرییا ناڤخۆییا ئەلیکترۆنى وەک میکانیزمەک بۆ جێبجێکرنا یاسایان ل سەردەمێ ڤایرۆسێ کۆرۆنایێ/ پ.هـ. د. عەلى یوونس ئیسماعیل - مامۆستا ل کۆلیژا یاسا و زانستێن ڕامیاری ل زانکۆیا دهۆک.
2ـ ئەزموونا ڕێڤەبەرییا شارەوانییا پارێزگەها دهۆکێ ل گەل کارگێرییا ئەلیکترۆنى ل سەردەمێ ڤایرۆسێ کۆرۆنایێ/ دیار بەحرى - ڕێڤەبەرێ گشتییێ شارەوانییان ل پارێزگەها دهۆکێ.
ل دووماهییێ فەرەبێژین، کو پەنەلێن سمینار ژ لایێ ڕێزدار (پ. هـ. د. دلشاد عەبدولرەحمان یووسف) سەرۆکێ پشکا یاسایێ هاتەبرێڤەبرن.