زانکۆیا نەورۆز ب هەڤکارى ل گەل دەزگەهێ ڕەوشەنبیرى و بەلاڤکرنا کوردى ل بەغدا، فیستەڤالەکا پەرتووکان ل ڕۆژا سێشەمبێ ڕێکەفتى (2/11/2021) ل دەمژمێر (11:00) سپێدێ ڤەکر.
د ڕێورەسمێن ڤەکرنا فیستەڤالێدا (پ. د. عەبدولوەهاب خالد مووسا) سەرۆکێ زانکۆیێ پەیڤەک پێشکێشکر و ئاماژە ب گرنگیا فیستەڤالێ، چێکرنا پرێن پەیوەندیان و ب کەلتوورکرنا خواندنا پەرتووکان دا. پاشى گەڕیانەک بۆ ناڤ فیستەڤالا پەرتووکان هاتەکرن و ژ نێزیک ناڤونیشانێن پەرتووکێن پشکدار هاتنە دیتن.
د چارچووڤەیێ بەرنامەیدا سمینارەک بۆ بەڕێز (ئاوات حەسەن ئەمین) ل دۆر (ڕۆلێ دەزگەهێ ڕەوشەنبیرى و بەلاڤکرنا کوردى د پێشخستنا ڕەوشەنبیریا کوردیدا) هاتە سازکرن و ژ لایێ د. یاسر حەسەن ڤە هاتە برێڤەبرن.
هەژییە بێژین، کو فیستەڤالا پەرتووکان ل زانکۆیا نەورۆز ب پشکداریا چەندین دەزگەهێن چاپ و بەلاڤکرنێ و ژمارەیەکا بەرچاڤ یا ناڤونیشانان دێ بۆ دەمێ 3 ڕۆژان هەر ژ دەمژمێر 9 تا 4 ئێڤارى بەردەوام بیت.