ل ڕۆژا ئێکشەمبێ ڕێکەفتى (14/11/2021) ل دەمژمێر (11:00) سپێدێ، پشکا یاسایێ ل کۆلیژا یاسا و ڕامیارى پێشوازى ل مامۆستا و قوتابیێن پشکا کارگێرى یاسا یێن پەیمانگەها تەکنیکى ڕواندز یا تایبەت ـ لقێ زانکۆ کر.
ل دەستپێکێ ل هۆلا پێداگوچى و پەرەپێدانا ئەکادیمى سمینارەک بۆ قوتابیان ژ لایێ مامۆستا (موئەیەد محەمەد عەبدولقادر) ڤە هاتە پێشکێشکرن، پاشى سەرەدانا هۆلا دادگەها پراکتیکى ل کۆلیژێ هاتەکرن و ژ نێزیک وانەیێن پراکیتکى بۆ قوتابیان ژ لایێ دکتۆر (دلشاد عەبدولرەحمان یووسف) ڤە هاتنە شڕۆڤەکرن و ڕێک ب قوتابیان هاتەدان کو پرسیار و بۆچوونێن خۆ ل دۆر دادگەها پراکتیکى یا زانکۆیێ بکەن.
ل دووماهیێ مامۆستا و قوتابیێن پەیمانگەهێ خۆشحالیا خۆ دەربڕین و خواستن ب بەردەوامى سەرەدانا زانکۆیا نەورۆز بکەن.