زانکۆیا نەورۆز و زانکۆیا چەرموو یاداشتنامەیەکا ل هەڤتێگەهشتنێ ئیمزا دکەن

ئەڤرۆ رۆژا چارشەمبی ٢٢\٩\٢٠٢١ێ سەرۆکێ زانکۆیا نەورۆز، پرۆفیسۆر د. عەبدولوەهاب خالد مووسا، ل گەل سەرۆکێ زانکۆیا چەرموو، پرۆفیسۆر د. سەلاح رزا یاداشتنامەیەکا ل هەڤتێگەهشتنێ ب مەرەما هەڤکاریا زانستی و ئاڤاکرنا پەیوەندیان د رێیا بجهئینانا ئارمانجێن زانستی دناڤبەرا هەردو زانکۆیاندا ئیمزا کر.
یاداشتنامە، کو ل سەرۆکاتیا زانکۆیا نەورۆز هاتە ئیمزاکرن، تەکەزیێ ل سەر ئەنجامدانا ڤەکۆلینێن زانستیێن هەڤپشک د ناڤبەرا هەردو زانکۆیاندا ل گەل پشتگیریکرنا پشکێن زانستی و لێکگوهارتنا شارەزایی و سەربۆرێن مامۆستایێن پسپۆر دکەت. هەروەسا پشتەڤانیا سەنتەرێن ڤەکۆلینان، کۆنفرانسێن زانستى و پێشڤەبرنا پرۆگرامێن خواندنا ئەکادیمی ئێک ژ خالێن دی یێن یاداشتنامەیێ بوو. هێژای گۆتنێ یە، بریار ل سەر هژمارەکا پرۆژەیێن زانستیێن هەڤپشک د وارێن جوداجودا هاتەدان، کو ل دەمەکێ نێزیک دێ کەڤنە د وارێ جێبەجێکرنێدا

Share :