پێداگۆجى

سەنتەرێ نەورۆز یێ پێداگۆجى و پەرەپێدانا ئەکادیمى 

ڕێڤەبەر: حسێن عەلی ئەحمەد

ژمارا تلەفونێ : 07502189888 

سەنتەرێ ڕاهێنان و ڕێکێن فێرکرنێ ل زانکۆیا نەورۆز ب فەرمانا وەزارییا وەزارەتا خواندنا بلند و ڤەکۆلینێن زانستى ل حکومەتا هەرێما کوردستانێ یا ژمارە (26549) ل ڕێکەفتى (14/12/2014) و فەرمانا زانکۆیا نەورۆز (26549/837) ل ڕێکەفتى (29/3/205) هاتییە دامەزراندن.
سەنتەر وەک دەزگەهەکێ ڕاهێنان و فێرکرنێ، ب ئارمانجا بلندکرنا ئاستێ زانستییێ ستافێ وانەگۆتن و کارگێرییێ د ناڤ زانکۆیێ و دەرڤەیى زانکۆیێدایە. سەنتەرێ ناڤبرى ڕۆلەکێ گرنگ د پێشڤەبرنا شیانێن پیشەیدا و دانا شارەزایێ د پڕۆسێسا فێرکرنێدا هەیە. فەرەبێژین، کو بەرنامە و ڕاهێنان و ڕێکێن وانەگۆتنێ ب ئاوایێ تیۆرى و پراکتیکى د بیاڤێن ڕێکێن وانەگۆتنێ یێن سەردەمییانەدا ب تەکنیک و ستانداردێن جیهانى دهێنە پێشکێشکرن.
ئارمانجا سەرەکییا سەنتەرى بلندکرنا ئاستێ خواندنا زانکۆیێ و ستافێ زانکۆیێ د بیاڤێ بکارهینانا ئەپلیکەیشن و ئامیرەیێن پێشکەڤتى و جیهانیدایە. گرنگە بێژین کو سەنتەر ب چەندین چالاکییێن دیتر ژى ڕادبیت، وەک گێڕانا سمینار، ورکشۆپ، چالاکییێن ڕەوشەنبیرى و پێشکێشکرنا بهایێن مەعریفى ژ بۆ جڤاکى.
ل دووماهییێ فەرە بێژین، کو ل سەنتەرى خواندنێن ئەکادیمى ژ بۆ جڤاکى ب ئاوایەکێ گشتى ب مەرەما دەستنیشانکرنا خالێن لاواز و کارکرن ل سەر ئەوان خالان دهێنەکرن.