تایبەتمەندییا یاسایێ د ناڤبەرا تیۆر و پراکتیکێدا
بەرنامەیێ خۆلێ یێ پێشخستنێ ل کۆلیژا یاسا و رامیارى ـ پشکا یاسایێ ل زانکۆیا نەورۆز.
جۆرێ خۆلێ:
١ـ پێشخستن
٢ـ لایەنێ رێکخەر: پشکا یاسایێ ل کۆلیژا یاسا و رامیارى ب هەڤکارى ل گەل کلینیکا یاسایێ ل کۆلیژێ.
٣ـ جهێ خۆلێ: پشکا یاسایێ، کۆلیژا یاسا و رامیارى ـ زانکۆیا نەورۆز
٤ـ رێکەفتییا خۆلێ: ژ 6/4/2021ێ هەتا 17/4/2021ێ
پوختەک دەربارەى خۆلێ:
کۆلیژا یاسا و رامیارى پشکا یاسایێ ل زانکۆیا نەورۆز ب هەڤکارى ل گەل کلینیکا یاسایێ خۆلەکا پێگەهاندنێ بۆ فەرمانبەرێن مافپەروەر، ئانکو فەرمانبەرێن هەلگرێن باوەرنامەیا یاسایێ ڤەکر. خۆل ژ 24 دەمژمێران پێکدهات و بۆ دەمێ دوو حەفتیان بەردەوام بوو.
بۆ زانین د خۆلێدا فەرمانبەرێن مافپەروەر یێن د ناڤ زانکۆیێ و دەرڤەى زانکۆیێ ژیدا ئەوێن ل سازیێن حکومى و نەحکومى کاردکەن پشکدارببوون.
ئارمانجێن خۆلێ:
١ـ پێشڤەبرنا شیانێن پارێزەران د بیاڤێ یاسایێدا ب ئاوایەکێ پراکتیکى و د وارێ کارێن واندا.
٢ـ نیشاندانا گرنگترین راستڤەکرنێن ل سەر بنەمایێن یاسایى یێن کارپێگرى ل هەرێما کوردستانێ ـ عیراق دهێنە ئەنجامدان.
٣ـ نیشاندانا گرنگترین رێکار و بنەمایێن رەوشتێ کارى د بیاڤێ کارێ پارێزەریێدا.
مەرجێن پشکداریێ:
١ـ پێدڤییە بەشداربووى بەلگەنامەیەکا فەرمى ژ سازیا کار لێ دکەت بۆ رێڤەبەرییا خۆلێ بینت.
٢ـ پشکداربوون د خۆلێدا ل بەرانبەرا کوژمەکێ پارەیی، ئەو ژى (50) هزار دینارێن عیراقینە.
3ـ خۆل بۆ فەرمانبەرێن مافپەروەر یێن زانکۆیا نەورۆز بێبەرامبەر بوو.
وانەبێژێن خۆلێ:
١ـ پ. هـ. د. دلشاد عەبدولرەحمان یووسف ـ هەلگرێ باوەرنامەیا دکتۆرایێ د وارێ فەلسەفەیا یاسایا گشتیدا ـ سەرۆکێ پشکا یاسایێ ل زانکۆیا نەورۆز.
٢ـ محەمەد حەسەن خەمۆ ـ هەلگرێ باوەرنامەیا دکتۆرایێ د وارێ فەلسەفەیا یاسایا گشتیدا و سەرنڤیسەرێ گۆڤارا ئەکادیمییا زانکۆیا نەورۆز.