زانکۆیا نەورۆز ب هەڤکارى ل گەل رێکخراوا کار یا نێڤدەولەتى و پەیمانگەها رەند خۆلەکا گەشەپێدانێ بۆ ژمارەیەکا ئاوارە و پەنابەرێن ل سەرنتەرێ دهۆکێ و قەزا سێمێلێ رێکخست. پشکدارێن خۆلێ ژ تەخ و چینێن جودا پێکدهاتن و وانە ژ لایێ کەسێن پسپۆر و شارەزاڤە دهاتنە پێشکێشکرن.
پێزانین ل دۆر خۆلێ:
1ـ لایەنێ رێکخەر: زانکۆیا نەورۆز ب هەڤکارى ل گەل رێکخراوا کار یا نێڤدەولەتى و پەیمانگەها رەند.
2ـ جهێ خۆلێ: زانکۆیا نەورۆز.
3ـ 160 کەسان ژ رەگەزێ نێر و مێ پشکدارى د خۆلێدا کرن.
4ـ دەمێ خۆلێ 24 دەمژمێر بوون و ل سەر 5 رۆژان هاتبوو دابەشکرن.
5ـ خۆلێ ژ رێکەفتى 25/7/2021ێ هەتا 30/7/2021ێ بەردەوام بوو.

ئارمانجێن خۆلێ:
ئارمانجا سەرەکیا خۆلێ بەردەستکرنا دەلیڤەیێن کارى بۆ ئاوارە و پەنابەران بوو، کو تێکەلى ژیانا جڤاک ل پارێزگەهێ ب گشتى ببن.
ـ رێکخراوا کار یا نێڤدەولەتى پاداشتەک ب کوژمێ 8000 دۆلاران پێشکێشى زانکۆیا نەورۆز کر.