سەنتەرێ ڤەکۆلینێن زانستی ل زانکۆیا نەورۆز ب هه‌ڤكارى ل گه‌ل مندلى ل ڕۆژا شه‌مبيێ ڕێكه‌فتى 17/6/2023 خۆلەکا راهێنانێ يا دو ڕۆژى ل دۆر بەرنامەیێ مندلی یێ بکارهینانا ژێدەرێن زانستی ڤەکر. د خۆلا ناڤبریدا، مامۆستا ژ زانکۆیا نەورۆز و ژ زانکۆیێن پارێزگەها دهۆکێ پشکدار بوون و خۆل ژ لایێ پ. هـ. د. عەمار عصام ڕاهێنەر و ڕێکخەرێ مندلی ل وەلاتێ عیراقێ ب ئاوایێ تیۆری و پراكیتكی هاتە پێشكێشكرن.
سەرۆكێ زانكۆیێ پ. د. عەبدولوەهاب خالد مووسا ئامادەبوو و پشتەڤانیا خۆ بۆ بەرنامەیێ ناڤبری و گاڤێن زانستی د وارێ ڤەكۆلیناندا دیار كر.
بەرنامەیێ مندلى ئێکە ژ گرنگترین بەرنامێن بکارهینانا ژێدەرێن زانستی یێن ب پشتەڤانیا پلاتفۆرما Elsevier یێ بەلاڤکرنا ڤەکۆلین و ناڤەرۆکانه‌، کو دەلیڤەیێ ددەتە کارهینەرێن وێ لێگەریانا داتایان د ئەنترنێتێ دا بکەن، و ب رێکا وێ ڤەکۆلەر ب گرۆپێن زانستی یێن ڤەکۆلینێ ل سەرانسەری جیهانێ دهێتە گرێدان.