ووركشۆپێن زانكۆیا نه‌ورۆز ب هه‌ڤكاریا زانكۆیا دورهام یا بریتانى ده‌ستپێكرن

ل ڕۆژا چارشەمبێ ڕێکەفتى ٢٣-٢-٢٠٢٢ پرۆژەیێ زانکۆیا نەورۆز و زانکۆیا دورهام یا بریتانی د وارێ وورکشۆپ و ڕاهێنانێن ئەکادیمیک دا دەستپێکر. ئێکەم وورکشۆپێ پرۆژەی ب سەرپەرشتیا د. محەمەدعەلی یاسین تاها ژ زانکۆیا نەورۆز و د. باهار باشێر ژ زانکۆیا دارام و پشکداریا چەندین ڤەکۆلەران بۆ دەمێ شەش دەمژمێران بەردەوام بوو.
ژمارەکا بەرچاڤ یا ئەکادیمیێن خودان سەربۆر ژ سەرانسەری جیهانێ د ڤی پرۆژەیدا سەربۆرا خۆ ب رێکا راهێنان و وورکشۆپان پارڤە دکەن.
هێژایی گۆتنێیە، کو ئەڤ پرۆژەیە ب پشتەڤانیا ئەکادیمیا بریتانی دێ برێڤەچیت و یێ تەرخانکریە بۆ ئاڤاکرنا شیانێن مامۆستایێن زانکۆیێن کوردستانێ بۆ نڤیسینا ڤەکۆلینێن ئەکادیمی و بەلاڤکرنا وان د گۆڤارێن جیهانی دا، کو دێ ب سەرپەرشیا زانایێن شارازایێن نێڤدەولەتی د بیاڤێ زانستێن مرۆڤایەتی و جڤاکیدا بیت. هەژیە بێژین، کو ئەڤ پرۆژەیە ژ ئەنجامێ ب دەستڤەئینانا گرانتەکێ بوو ژ ئەکادیمیا بریتانى، کو ب شیانێن هەردو مامۆستایان: د. محەمەدعەلى یاسین (مامۆستایێ بەشێ زانستێن سیاسی ل کولیژا یاسا و رامیاری ل زانکۆیا نەورۆز) و پ. د. باهار باشێر (مامۆستایا سکۆلا حکومەت و پەیوەندیێن نێڤدەولەتی ل زانکۆیا دارام) هاتیە ب دەستخستن.

بەڵاڤ بکە :