ل زانکۆیا نەورۆز سمینارەک ل دۆر هۆشیارى و خوەپاراستنێ هاتە پێشکێشکرن

ل ڕۆژا چارشەمبێ ڕێکەفتى 20/1/2021 ڕێڤەبەرییا ساخى و سەلامەتییێ ل زانکۆیا نەورۆز، سمینارەک ژ بۆ بەڕێزان دکتۆر سەگڤان حەسەن ڕێڤەبەرێ پشکا کۆنترۆلکرنا ئێشێن ڤەگر ل ڕێڤەبەرییا ساخلەمییا پارێزگەها دهۆکێ و دکتۆر ڕەعەد عەبدولرەحمان ڕێڤەبەرێ پشکا پشتگیرییا ساخلەمییێ ل هەمان ڕێڤەبەرییێ ل دۆر "هۆشیارى، ساخلەمى و خوەپاراستنێ" ژ بۆ فەرمانبەرێن ل ڕێڤەبەرییا ساخى و سەلامەتییێ کاردکەن ل هۆلا پێداگۆجى ل کۆلیژا یاسا و ڕامیارییێ سازکرن.
د سمینارێدا هەر دوو ڕێزداران، ب ئاوایێ تیۆرى و پڕاکتیکى ب مەبەستا گەهاندنا زانیارییان ب شێوازەکێ هەرەباش بابەتێن خوە پێشکێشکرن. پاشان دەرگەهێ دانوستاندنێ هاتە ڤەکرن و ئامادەبوویان چەندین پرسیار ئاراستەى هەر دوو دکتۆران کرن.
ل دووماهییێ باوەرنامەیەکا ڕێزگرتن و سوپاسییێ، ژ لایێ خانم پەرى چیاڤان عەبدولرەزاق ڕێڤەبەرا پشکا ساخى و سلامەتییێ ب هەر دوو بەڕێزان هاتەدان.

بەڵاڤ بکە :