ل گۆرەی دوماهیک ئاپدەیتا مالپەرێ (ئەیدی ساینتفیک ئیندکس) یێ رێزبەندیا زانکۆیان د وارێ ڤەکۆلینێن زانستی دا ل جیهانێ، زانکۆیا نەورۆز ل سەر ئاستێ هەڤدە زانکۆیێن ئەهلی ل هەرێما کوردستانێ شیا پلەیا پێنجێ بدەستخۆڤە بهینیت و هەڤرکیێ ل گەل ناڤدارترین زانکۆیێن حکوومی ژی ل هەرێما کوردستانێ بکەت. ئەڤ رێزبەندیە  ل سەر کۆمەکا پیڤەرێن زانستی یێن باوەرپێکری و داتایێن گرێدای ڤەکۆلینێن زانستی دهێتەکرن. ژ لایێ خۆ ڤە، زانکۆیا نەورۆز دەستخۆشیێ ل مامۆستایێ کولیژا زانست، د. رزگار رەمەزان زێباری دکەت، کو مالپەرێ ناڤبری ئاماژە دایە ناڤێ وی وەکی چالاکترین ڤەکۆلەرێ زانکۆیێ.