ڕێکەفتنامەیەک د ناڤبەرا پارێزگەها دهۆکێ و پارێزگەها گوینزڤێلێدا هاتە ئیمزاکرن

ل ڕۆژا دووشەمبێ ڕێکەفتى (8/3/2021) پرۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز پشکدارى د کۆمبوونا پارێزگەها دهۆکێ و پارێزگەها گوینزڤێل یا سەر ب ویلایەتا فلۆریدا یا وەلاتێ ئەمریکا ل کۆچکا پارێزگەها دهۆکێدا کر.
هەژییە بێژین، کو کۆمبوون ب ئامادەبوونا بەڕێز دکتۆر (عەلى تەتەر) پارێزگەرێ دهۆکێ و سەرۆکێن زانکۆیێن پارێزگەهێ ب شێوازێ ئۆنلاین ل گەل بەڕێز (لاورن پۆى) پارێزگەهێ گوینزڤێلێ هاتە ئەنجامدان. ئارمانجا سەرەکییا کۆمبوونێ ئیمزاکرنا ڕێکەفتنەکا دووقۆلى ب ناڤێ (دەستەخوشک) د ناڤبەرا هەر دوو پارێزگەهاندا ب مەبەستا ب هەڤڕا کارکرن د بیاڤێن (چاندن، ئابوور، کەلتوور، پەروەردە، زانست و ژینگەهـ ..هتد) دا بوو.
پشتى دانوستاندنێ و ڕۆهنکرنا خالێن د ڕێکەفتنامەیێدا هاتین، هەر دوو ئالى ب خوەشحالى گەهشتنە ڕێکەفتنێ و خواستن د ئایندەیەکێ نێزیکدا ڕێکەفتن بهێتە جێبجێکرن و هەڤوەلاتییێن هەر دوو پارێزگەهان مفاى ژ ناڤەڕۆکا ڕێکەفتنامەیێ وەربگرن.
ل دووماهییێ گرنگە بێژین، کو زانکۆیا نەورۆز بەرى نوکە پەیوەندى ل گەل زانکۆیا فلۆریدا هەنە و ڕێکەفتنەکا دەستپێکى ب مەبەستا ب هەڤڕا کارکرن د وارێن (قوتابییان، مامۆستایان، پێشئێخستنا پڕۆژەیان و ل هەڤگۆهارتنا ستافێ ئەکادیمى...هتد) ئیمزاکرییە.

بەڵاڤ بکە :