مامۆستایەکێ زانکۆیا نەورۆز باوەرنامەیەکا نێڤدەولەتى ب دەستڤەهینا

پشتی ئەنجامدانا چەندین بزاڤ و چالاکیان ل سەر ئاستێن بلند ل گەل رێکخراوێن نێڤدەولەتی ل هەرێما کوردستانێ، مامۆستایێ کولیژا کارگێری و ئابووری ل زانکۆیا نەورۆز، پ. هـ. د. شڤان ئەحمەد محەمەد، شیا باوەرنامەیەکا نێڤدەولەتى ژ لایێ رێکخراوا کار یا نێڤدەولەتیڤە  ILO ب دەستڤەبهینیت و ب فەرمی ببیتە راهێنەرێ بەرنامەیێ SIYB یێ ب پرۆژەیێ (دەست ب پرۆژەیێ خۆ بکە و باشتر لێبکە). دهێتەزانین، د. شڤان، کو هاریکارێ سەرۆکێ زانکۆیا نەورۆزە ژی بۆ کاروبارێن زانستی، بەری نوکە شیایە چەندین قوتابیێن زانکۆیا نەورۆز د ڤی پرۆژەی دا پشکدار بکەت و ئاسۆیێن پەیداکرنا دەلیڤەیێن کاری بۆ هلبێخیت کو خۆ تێدا ببینن. پیرۆزباهیا دکتۆری دکەین و هیڤیا کار و دەستکەفتێن باشتر بۆ دخوازین.

شارك :