ل ڕۆژا (17/12/2023) ل دەمژمێر (11:00) سپێدێ، ب ئامادەبوونا پ. د. عومەر ئەلحبیب هاریكارێ سەرۆكێ زانكۆیێ بۆ كاروبارێن زانستی و خواندنا بلند، ڕاگرێن كۆلیژان، مامۆستا و قوتابیێن زانكۆیێ، د سەقایەكێ نشتیمانپەروەریدا ڕۆژا ئالایێ كوردستانێ هاتە ساخكرن.
ل دەستپێكێ ئامادەبووی، خۆلەكەكێ ب بێدەنگی ل گەل سروودا "ئەی ڕەقیب" ل سەر گیانێ شەهیدێن كوردستانێ ڕاوەستیان. پاشی هاریكارێ سەرۆكێ زانكۆیێ پەیڤەك پێشكێشكر و ب گرنگی بەحسێ ئالایێ كوردستانێ و فیداكاریا شەهیدان و پێشمەرگەیان كر. هەروەسا پەیڤا نوینەرێ ئێكەتیا قوتابیان ژی هاتە خواندن و ئالایێ كوردستانێ بلند هاتە ڕاگرتن. ل دویڤدا دەرفەت ب قوتابیان هاتەدان، كو شیان و هەستێن خوە ب هەلبەست و گۆتنێن بالكێش ل سەر ئالایێ كوردستانێ دەرببڕن.