سەرۆکێ زانکۆیا نەورۆز پشکدارى د کۆنفرانسەکێ نێڤدەولەتیدا کر

ل رۆژا چارشەمبێ ڕێکەفتى 23/6/2021 پ. د. عەبدولوەهاب خالد مووسا سەرۆکێ زانکۆیا نەورۆز ب ڤەکۆلینەکا ئەکادیمى یا ل ژێر ناڤونیشانێ (زمان و هشیارییا نەتەوەیى) پشکدارى د ئێکەمین کۆنفرانسێ نێڤدەولەتیێ کوردستانناسیێ یێ زانکۆیا چەرمۆدا کر. د کۆنفرانسیدا سەرۆکێ زانکۆیێ بابەتێ خوە پێشکێشکر و ژ چەندین رەهەندێن نوى و جودا تەماشەى جیهانبینییا زمانى و هشیارییا نەتەوەیى، وەکو رەهەندێن (فەلسەفى، جڤاکناسى و دەروونناسیێ ..هتد) کر. پاشی دەرگەهێ دانوستاندنێ هاتەڤەکرن و ئامادەبوویان دیتن و بۆچوونێن خوە ل سەر بابەتى دیارکرن.
هەژییە بێژین، کو کۆنفرانسێ ناڤبرى ل ژێر دورشمێ (شارستانى لێرەوە تێپەڕى) ژ بۆ دەمێ دو رۆژان ب پشکدارییا ڤەکۆلەر و مامۆستایێن زانکۆیان ژ ناڤخۆ و دەرڤەى وەلاتى بەردەوام بوو.

بەڵاڤ بکە :