ب سه‌رپه‌رشتی و ئامادەبوونا هاريكارێ سه‌رۆكێ زانكۆيێ بۆ كاروبارێن كارگێرى دارايى و قوتابيان، د. محه‌مه‌دعه‌لى ياسين تاها، قوتابیێن خۆبەخش یێن يانه‌يا خزمه‌تا جڤاكى و به‌رپرسيا كۆمه‌لايه‌تى ل زانکۆیا نەورۆز کارەکێ خێرخوازی و مرۆڤایەتی ل مالا بێ سه‌ميانان ل ڕۆژا پێنجشه‌مبێ (23/12/221) ئه‌نجامدا.
ئەڤێ یانەیێ بۆ ده‌مێ حه‌فتييه‌كێ قاسه‌يه‌كا تايبه‌ت ب مه‌ره‌ما كۆمكرنا هاريكاريێن دارايى ل ناڤ كه‌مپوسا زانكۆيێ دانابوو، هه‌روه‌سا د ڕۆژا چالاكيێ ژيدا ب ئه‌وی بڕێ پاره‌يێ وه‌كو هاريكارى بۆ مالا بێ سه‌ميانان هاتى، ل چه‌ندين پێدڤيێن گرنگ يێن ژيانێ و كڕينا دياريان و كه‌يفخۆشكرنا زارۆكان مه‌زاختن.
ب ئه‌ڤێ چالاكيا خۆبەخشێن نەورۆز ڕێڤه‌به‌رێ چاڤدێريا جڤاكى ل دهۆكێ خۆشحاليا خۆ ده‌ربڕى و داخواز كر، كو چالاكيێن مرۆڤايه‌تى يێن ژ ئه‌ڤى ڕه‌نگى به‌رده‌وام بن و به‌خته‌وه‌ريێ ل ده‌ڤ زارۆك و كه‌سێن بێ سه‌ميان چێبكه‌ن.