DAAD پرۆژەیێن خۆ بۆ زانکۆیێن هەرێمێ دیارکرن
ل رۆژا دوشەمبی رێکەفتى ٢٣\٨\٢٠٢١ ل دەمژمێر ١١:٣٠ێ سپێدێ و ب ئامادەبوونا کونسولێ گشتی یێ وەلاتێ ئەلمانیا (کلیمنس سمتنر)، هاریکارێ سەرۆکێ زانکۆیا نەورۆز بۆ کاروبارێن زانستی و خواندنا بلند (د. شڤان ئەحمەد محەمەد) ل گەل رێڤەبەرێ پەیوەندی وراگەهاندنێ (د. یاسر حەسەن)، پشکداری سمینارەکا ئونلاین بوون، کو ژ لایێ بەرپرسێ سازیا DAAD یا ئەلمانی ڤە هاتە پێشکێشکرن. ئەڤ سمینارە یا تایبەت بوو بۆ دانوستاندنێ دەربارەی کار و پرۆژەیێن پاشەرۆژێ یێن DAAD یا ئەلمانی ل هەرێما کوردستانێ و دەرفەتێن هەماهەنگیێ و لێکگوهرینێن ئەکادیمی ل گەل زانکو و دەزگەهێن خواندنا بلند ل هەرێمێ. سمینار ب هەماهەنگی ل گەل وەزارەتا خواندنا بلند و ڤەکۆلینێن زانستی هات بوو رێکخستن و نوینەرێن زانکۆیێن هەرێما کوردستانێ تێدا پشکدار بوون.