دوو سەرەدانێن جودا جودا دا ھەر ئێك ژ پەرلەمانتار گولستان باقی نھێلی ئەنداما لیژنا پەروەردێ و خاندنا بلند ل پەرلەمانێ كوردستانێ و پەرلەمانتار محسن دوسكی ئەندامێ لیژنا لاوان و پەیوەندیان سەرەدانا زانكویا نەوروز كرن و ژلایێ پ. د. عبدالوھاب خالد موسا سەروكێ زانكویا نەوروز ھاتنە پێشوازی كرن.

دكومبونێن جودا جودا دا باس ل بارودوخێ ژیانێ ھاتە كرن كو ئەڤرو جیھان ھەمی شلەژان بویە ژبەر ھاتنا ڤایروسێ كورونا ئەم ژی وەكو كوردستان بێ بەھر نەبوینە ژ ڤی دەردی، ھەروەسا باس ل پروسا خواندنێ ھاتە كرن و ئەو رێنمایێن ھەلسەنگاندنا دوماھی یا سالا خواندنێ ٢٠١٩-٢٠٢٠ ھەروەسا داخازكر ھندی د شیاندابیت لدویف رێنمایێن وەزارەتا خواندنا بلند و ڤەكولینێن زانستی ل ھەرێما كوردستانێ ھاریكاربن دگەل قوتابیان و بتایبەت پروسا دانا قستێ خواندنێ ژبەر بارودوخێ ئابوری یێ سەخت ئەڤرو ھەرێما كوردستانێ تێدا دەرباس دبیت.