ل سالڤەگەرا ئێکێ یا وەغەرا د. ئارام ناجى بالەتەیى مامۆستایێ بەرێ یێ زانکۆیا نەورۆز، ل رۆژا شەمبیێ ڕێکەفتى (26/2/2022) ل دەمژمێر (11:00) سپێدێ ڕێورەسمەکێ تایبەت بۆ ڤێ بیرەوەریێ ل هۆلا نەورۆز یا زانکۆیێ هاتە کرن. پشتی پ. د. عەبدولوەهاب خالد مووسا، سەرۆکێ زانکۆیێ، پەیڤەک پێشکێشکری و ئاماژە دایێ رۆلێ رەحمەتی وەکو مامۆستایەکێ خودان شیان یێ زانکۆیا نەورۆز، و پشتی پەیڤا بنەمالا وی ژ لایێ بەرێز (ئەمیر بالەتەیی)ڤە هاتیە خواندن، مامۆستا بریندار حەیدەر پەرتووکا ڕەحمەتى ئەوا ل ژێر ناڤونیشانانێن (ڕۆلێ پارتان د گەشەپێدانا سیاسیدا ـ هەرێما کوردستانێ وەکو نموونە) دانیاسین و خواندنەکا شرۆڤەکارى بۆ ڤێ پەرتووکێ کر. دهێتە زانین، ئەڤە بۆ جارا ئێکێ یە ئەڤ پەرتووکە ل وەلاتێ لوبنانێ دهێتە چاپ و بەلاڤکرن.