د ڕێورەسمەکێ تایبەتدا و ب ئامادەبوونا سەرۆکێ زانکۆیێ پ. د. عەبدولوەهاب خالد و بەڕێز جێگرێ نەقیبێ ئەندازیارێن کوردستانێ سەلاحەدین فەخرەدین و بەڕێز ماجد سەید سالح جێگرێ پارێزگارێ دهۆکێ و نوینەرێن سازیێن حکومی و کەرتێ تایبەت "نڤیسینگەها ڕاوێژکاریێن ئەندازیاری" ل ناڤ کەمپوسا زانکۆیێ هاتە ڤەکرن. دیسان، د هەمان چارچووڤەیدا ڕێكەفتنامەیەكا لێكتێگەهشتنێ د ناڤبەرا زانكۆیا نەورۆز و سەندیكایا ئەندازیارێن كوردستانێ ب مەرەما ب هەڤڕا كاركرنێ هاتە ئیمزاكرن. د پەیڤەكێدا سەرۆكێ زانكۆیێ، پشتەڤانیا خۆ بۆ نڤیسینگەهێ و ب هەڤڕا كاركرنێ ل گەل سەندیكایا ئەندازیاران ب ئارمانجا خزمەتكرنا كوردستانێ و پێشئێخستنا ئەندازیاریێ دیار كر. ژ لایەكێ دیڤە، جێگرێ نەقیبێ ئەندازیاران بەختەوەری و خۆشحالیا خۆ ب دەستپێشخەریا زانكۆیا نەورۆز د وارێ ئەندازیاریێدا ل پارێزگەها دهۆكێ ڕاگەهاند و ئامادەیا خۆ بۆ كاركرنا ڕێكەفتنامەیێ د دەمەكێ نێزیكدا ئاشكرا كر.
ل دووماهیێ و پشتی ئیمزاكرنا ڕێكەفتنامەیێ و لێكگوهۆڕینا ئارمان، نڤیسینگەها ڕاوێژكاریێن ئەندازیاری ل ناڤ كەمپوسا زانكۆیێ هاتە ڤەكرن.