ل زانکۆیا نەورۆز وورکشۆپەک ل دۆر هاوارهاتنا دەستپێکى هاتە سازکرن

ل ڕۆژا چارشەمبێ ڕێکەفتى (24/2/2021) ل دەمژمێر (11:00) سپێدێ، تیما چالاکییان ل زانکۆیا نەورۆز وورکشۆپەک ل ژێر ناڤونیشانێ (هاوارهاتنا دەستپێکى) ل هۆلا پێداگۆجى و پەرەپێدانا ئەکادیمى ژ بۆ فەرمانبەران و ستافێ زانکۆیێ سازکر.
هەژییە بێژین، کو وورکشۆپ ژ لایێ (تیما سیستەمێ 122 یێ ساخلەمییا تەنگاڤییان) هاتە پێشکێشکرن و چەندین بابەتێن گرنگ هاتنە بەحسکرن، وەک:
ـ هاوارهاتنا دەستپێکى چییە؟
ـ پێدڤییاتى و کەرەستەیێن هاوارهاتنا دەستپێکى چنە؟
ـ چاوا سەرەدەرییێ ل گەل ڕویدانان بکەن.
ـ ئەنجامدانا هاوارهاتنا دەستپێکى ب ئاوایەکێ پراکتیکى.
ل دووماهییێ دەرگەهێ دانوستاندنێ هاتە ڤەکرن و ئامادەبوویان دیتن و بۆچوونێن خوە سەبارەت بابەتى دەربڕین و چەندین پرسیارێن گرنگ ئازراندن.

بەڵاڤ بکە :