د بەردەوامییا بزاڤ و چالاکییێن کەلتوورى و ڕەوشەنبیریدا، ئەڤرۆ ل ڕێکەفتى (9/2/2021) ل دەمژمێر (11:00) سپێدێ، خانم (دلناز محەمەد یووسف) قوتابییا قۆناغا دوازدێ ئامادەیى، ب هەماهەنگى ل گەل زانکۆیا نەورۆز و ڕێکخراوا (Youth Speak) یا ناڤدەولەتى پڕۆژەیێ پەرتووکخانەیەکا ڤەکرى ل کۆلیژا زمان ب مەبەستا  هاندانا و پشتەڤانییا بزاڤا خواندنێ دانا.

هەژى گۆتنێیە، کو قوتابییێن زانکۆیێ دشێن ب پەرتووکێن خوە پشکدارییێ د پڕۆژەیدا بکەن یان ژى ب هەروەى پەرتووکان ببنە و بخوینن. دناڤ پڕۆژەیێ ناڤبریدا پەرتووکێن جۆراوجۆر هەنە و ل دویڤ حەز و ڤیانا قوتابییان پەرتووک هاتینە ب ڕێزکرن. ژ لایەکێ دى تابلۆیێ (The Kiss) یێ شێوەکارێ جیهانى (Gustav Klimt) وەک نیشانەیەک ژ بۆ بزاڤێن چاندى و کەلتوورى هاتییە دانان.

ل دووماهییێ فەرە بهێتەگۆتن، کو هزر و هەمى کارێ پڕۆژەی ژ لایێ (دلنازێ) بخوە هاتییەکرن و پێشکێشى زانکۆیا نەورۆز و قوتابییان کرییە.