زانکۆیا نەورۆز ب هەڤکارى ل گەل یانەیا دهۆکێ و نوینەراتیا ئۆلۆمپى یا دهۆکێ چل ڕۆژیا وەغەرا وەرزشڤانێ دێرین یێ باژێری دهۆکێ کاپتن نیعمەت مەحموود ل هۆلا نەورۆز ل کەمپا زانکۆیێ گێرا.
د ڕێورەسمێن چل ڕۆژیێدا پەیڤەک ژ لایێ د. عەبدولا جەلال ب نوینەراتیا زانکۆیا نەورۆز و یانەیا دهۆکێ یا وەرزشى هاتە خواندن. د پەیڤا خۆ دا، ب ئاوایەکێ ڕێکخستى ئاماژە ب ڕۆلێ وەرزشڤانێ دێرین و خزمەتا وى بۆ وەرزشا هەرێما کوردستان و ب تایبەتى وەرزشا پارێزگەها دهۆکێ هاتەدان.
پاشى، پەیڤەک ژ لایێ سەرۆکێ جڤاتا پارێزگەها دهۆکێ فەهیم عەبدولا حەمۆ هاتە خواندن و ب هەمان ڕەنگى بەحسێ ڕۆلێ کارا یێ وەرزشڤانێ وەغەرکرى کر. ژ لایێ خۆ ڤە، سەرۆکێ لژنەیا ئولۆمپى یا دهۆکێ ب کورتى و پوختى ئاماژە ب کەدا وەرزشڤانێ دا.
ل دووماهییا ڕێوڕەسمان 40 شەمالک ژ لایێ مالبات و هەڤالێن وەرزشڤانی ڤە هاتنە هەلکرن و گولێن وەفاداریێ ل بەرانبەر وێنەیێ هاتنەدان.