پ. د. غازی زێباری د رێورەسمەکێ رێزگرتنێدا ل زانکۆیا نەورۆز

پشتی بوویە مێڤانێ روومەتێ یێ مەزنترین ئاهەنگا دەرچوونێ یا قوتابیێن زانکۆیا نەورۆز، ئەڤرۆ رۆژا سێشەمبێ ٢٦\١٠\٢٠٢١رێورەسمێن تایبەتێن رێزگرتنێ بۆ پ. د. غازی زێباری هاتنە گێران. د ڤان رێورەسماندا، ب ئامادەبوونا چەندین مێڤانێن تایبەتمەند و ستافێ ئەکادیمیێ زانکۆیێ و قوتابیان، سەرۆکێ زانکۆیا نەورۆز پ. د. عەبدولوەهاب خالد مووسا پەیڤەک پێشکێشکر، ئاماژە دا رۆلێ گرنگێ بەرێز د. زێباری و خزمەتێن نۆژداریێن جەنابێ وی پێشکێشی مرۆڤایەتیێ ب گشتی کرین و کوردستانێ ب تایبەتی. سەرۆکێ زانکۆیێ بریار ژی دا کو دێ هۆلەکا کولیژا زانست ب ناڤێ د. غازی زێباری هێتە بناڤکرن و هندەک دیاریێن سومبولیک و دوکیومێنتاری پێشکێشی وی کرن. هێژا زێباری ژی ژ لایێ خۆڤە پشتی سوپاسیان پەیڤەکا کارتێکر پێشکێشکر و هاندانا قوتابیێن نەورۆز کر کو ب هەمی رەنگەکێ دەرگەهێن زانست و زانینێ بقوتن. ل دوماهیا ڤان رێورەسمان، پرێس کونفرانسەک بۆ د. زێباری ل گەل دەزگایێن میدیایێ هاتە بەستن.
پروفیسۆر د. غازی زێباری هەڤکارێ کولیژا نشتەرگەرێن ئەمریکی و رێڤەبەرێ سەنتەرێ جیهانی (جون سی ماکدونالد)ە یێ چاندنا ئەندامێن لەشی، هەرهوسا رێڤەبەرێ سەنتەرێ (W K)ـه یێ نشتەرگەریێن پێشکەفتی. زێباری هەلگرێ چەندین خەلاتێن نێڤدەولەتییە مینا خەلاتێ AOA و ميداليا گزیرتا ئەلیس یا رومەتێ، هەروەسا ئەندامێ چەندین رێکخراوێن ئاستبەرزێن پزیشکییە. بۆ چەندین جاران وەک باشترین نۆژدارێ سالێ هاتیە هلبژارتن. نێزیکی ٣٠ سالانە ل وەلاتێن دنیایێ دگەریێت و خزمەتێن خۆ یێن نۆژداری یێن نەموونە پێشکێش دکەت، کو ئێک ژ وان وەلاتان ژی کوردستانە.

Share :