ل ڕۆژا شەمبیێ ڕێکەفتى (17/11/2022) ل دەمژمێر (11:00) سپێدێ، ب ئامادەبوونا پ. د. عەبدولوەهاب خالد مووسا سەرۆکێ زانکۆیێ، هاریکارێن سەرۆکێ زانکۆیێ، ڕاگرێن کۆلیژان، مامۆستا و قوتابیێن زانکۆیێ د ڕێورەسمەکێ تایبەتدا کەرنەڤالا ڕۆژا ئالایێ کوردستانێ ل ناڤ کەمپوسا زانکۆیێ هاتە ساخکرن.
ل دەستپێکێ وەکو ڕێزگرتن بۆ گیانێ شەهیدان ئامادەبوویێن کەرنەڤالێ خۆلەکێ ب بێدەنگى ل گەل سروودا ئەى ڕەقیب ڕاوەستیان. پاشى سەرۆکێ زانکۆیێ پەیڤەک پێشکێشکر و بەحسێ دیرۆک و گرنگیا ئالایێ کوردستانێ و قۆناغێن وەرارا ئالاى ب تێر و تەسەلى کر. ل دویڤ دا، هەلبەستەک ژ لایێ قوتابیێ زانکۆیێڤە هاتە خواندن و قوتابیەکا دى ئالایێ کوردستانێ ب شێوازەکێ هونەرى و ب ئاوایەکێ زندى نەخش و ڕەنگ دکر. هەروەسا ب هەمان هەلکەفت دەست ب هەوەکا چاندنا داران ل ناڤ کەمپوسا زانکۆیێ هاتەکرن.