ل بەر رۆناهیا گۆتنا سه‌رۆكێ هه‌رێما كوردستانێ نێچيرڤان بارزانى: "نابيت زۆنا كه‌سك و زۆنا زه‌ر هه‌بيت، دڤێت بتنێ زۆنا كوردستانی هه‌بيت" و ب چاڤدێریا سەرۆکێ زانكۆيێ، پ. د. عەبدولوەهاب خالد مووسا، رێڤەبەریا راگەهاندنێ ل ڕێکەفتى (13/11/2022) ل دەمژمێر (11:00) سپێدێ، پانێلەک ل دۆر "ناسنامه‌يا كوردستانيبوونێ" ب ئامادەبوونا دامودەزگەهێن حکوومى و کەرتێ تایبەتى و جهێن پەیوەندیدار ل هۆلا نه‌ورۆز گێرا.
ل دەستپێکێ، سەرۆکێ زانکۆیێ پەیڤەک پێشکێشکر و د پەیڤا خۆ دا ئاماژە ب گرنگیا مژارێ و دیرۆکا کوردستانێ ل سەردەمێن کەڤن و نوى دا. هەروەسا، تەکەزى ل سەر ئێکڕێزى و ئێکدەنگیا کوردان و مافێ چارەنڤیسى کر. ژ لایێ خۆ ڤە سەرۆکێ زانکۆیێ، ب هویرى بەحسێ پاشەرۆژ و ناسنامەیا مللەتێ کورد و جیهانا سەردەم کر.
ل دویڤدا، پانێلیستان ل گۆرەى دەم و مژارا دەستنیشانکرى بابەتێ خۆ پێشکێشکر. پاشى، دەرفەت ب ئامادەبوویان هاتەدان کو دیتن و بۆچوونێن خۆ ل دۆر ناڤەرۆکا مژاران دیار بکەن.