ل ڕۆژا شەمبییێ ڕێککەڤتى (17/10/2020) ڕێزدار پرۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز ب ئاوایەکێ ڕاستەوخوە ب ڕێیا بەرنامەیێ (Zoom) پشکدارى د کۆمبوونا (کۆمخەباتا کورمانجییێ) ئەوان کو ل باژێڕێ (دیاربەکر)ێ، هاتییەڕێکخستندا کر.
هەژییە بێژین، کو کۆمخەباتا کورمانجییێ ب ساڵانە کار ل سەر ستانداردکرن و ڕاستنڤیسا کورمانجییێ دکەت. کۆمخەباتا کورمانجییێ ل دیاربەرکرێ د بن بانێ وەقفا مەزوپۆتامییایێدا کار و چالاکییێن خوە ئەنجامددت و ژ بیست کەسێن بسپۆر و تایبەتمەند د بیاڤێ زمان و ئەدەبییاتا کوردیدا پێکدهێت.
سەرۆکێ زانکۆیا نەورۆز، ئێک ژ پشکدارێن سەرەکییێن گشت کۆمبوونێن کۆمخەباتێیە و ب دیتن و نێرینێن خوە وەک بسپۆرەکێ زمانێ کوردى؛ مژارێن دهێنەئازراندن دەولەمەند دکەت.
د نوکەدا کۆمبوونێن کۆمخەباتێ دەربارەى فەرهەنگا ڕاستنڤیسێنە، لەوڕا ب بەردەوامى پەیڤ و دەستەواژەیێن جودا ژ گشت دەڤەرێن کوردان دهێنەکۆمکرن و دانوستاندن ژ لایێ ئەندامێن کۆمخەباتێڤە ل دۆر ئەوا پەیڤان دهێتەکرن.