ل ڕۆژا ئێکشەمبێ ڕێککەڤتى 13/6 د. محەمەدعەلى یاسین هاریکارێ سەرۆکێ زانکۆیێ بۆ کاروبارێن کارگێڕى و داراى و قوتابییان و د. شڤان ئەحمەد محەمەد هاریکارێ سەرۆکێ زانکۆیێ بۆ کاروبارێن زانستى، کۆمبوونەکا فەرمى ل گەل سەرۆکێن پشکێن زانستى ل هۆلا پێداگۆچى و پەرەپێدانا ئەکادیمى ڕێکخست.
ئارمانجا سەرەکییا کۆمبوونێ دانوستاندن بوو ل سەر ڕەوشا قوتابییێن دەرنەچووى و ئەزموونێن خۆلا دوویێ. د کۆمبوونێدا بڕیارهاتەدان کو پێدڤییە ژ ڕوویێ زانستى و ئەکادیمیڤە پەیوەندی د گەل قوتابییێن دەرنەچووى بهێتەکرن و قوتابى بشێن مامۆستایێن خۆ د ناڤ کەمپوسا زانکۆیێدا یان ژى ب ڕێکا ئۆنلاین ببینن و هەر پرسیار یان ژى ڕاوێژەکا هەبیت ژ وان ب مەبەستا خۆ ئامادەکرنێ بۆ خۆلا دوویێ بکەن.