د چارچووڤەیێ پلانێن زانکۆیا نەورۆز دا بۆ بەرفرەهکرنا پەیوەندیێن خۆ ل گەل سازیێن ئەکادیمی و لێکۆلینان ل ناڤ و دەرڤەی وەلاتی، ل رۆژا چارشەمبێ رێکەفتی (١٣/٩/٢٠٢٣) یاداشتنامەیەکا هەڤتێگەهشتنێ دگەل ناڤەندا ئەورۆپێ بۆ ڤەکۆلینێن ل سەر رۆژهەلاتا ناڤین ئیمزا کر. ئەڤ یاداشنامەیە ژ لایێ پروفیسۆر د. عەبدولوەهاب خالد مووسا (سەرۆکێ زانکۆیا نەورۆز) دگەل مامۆستا خەیری ئلیاس عەلی بۆزانی (راوێژکارێ ناڤەندا ئەورۆپی) هاتە ئیمزاکرن. دهێتە چاڤەرێکرن پێنگاڤێن گرنگ یێن کارێن هەڤپشک دناڤبەرا هەردو سازیان دا ل کوردستانا عیراقێ و ئەلمانیا بهێنە هاڤێتن.