ل ڕۆژا ئێکشەمبێ ڕێکەفتى (20/3/2022) ب هەلکەفتا نەورۆز و سەرسالا کوردى، فیستیڤالا ئێکێ یا نەورۆزێ د ناڤ کەمپوسا زانکۆیێدا هاتە گێران.
ب ئامادەبوونا پ. د. عەبدولوەهاب خالد مووسا سەرۆکێ زانکۆیا نەورۆز و د. محەمەدعەلى یاسین هاریکارێ سەرۆکێ زانکۆیێ، مامۆستا، فەرمانبەر و قوتابیێن خۆشتڤى و د سەقایەکێ بهاریدا فیستیڤالێ دەستپێکر.
ل دەستپێکێ، پێشانگەهەکا شێوەکارى بۆ سێ قوتابیان ب نیشاندانا چەندین کەڤالێن شێوەکارى هاتە ڤەکرن. پاشى، کەلەپوور و کەلتوورێ کوردى ل گەل خوارنێن کوردەوارى جهێ خۆ د ناڤ بڕگەیێن فیستیڤالێدا کر. ل دویڤدا، ئاهەنگێ ب پشکداریا هونەرمەند ڕێکێش سەیرانى، تیپا هونەرێ مللى یا دهۆکێ ل گەل یانەیا موزیکێ یا قوتابیێن نەورۆز "ئێلبرا، ڕەیان، ڕزگار، ئالان، زۆردار، پەیرەو و دلدار" ب خۆشى دەستپێکر و قوتابیان ب کەیف و سەما و دیلان پشکدارى تێدا کر.
ل دەمژمێرا دووماهیێ، ئاگرێ نەورۆزێ و سەرسالا نوى ژ لایێ قوتابیێن زانکۆیێ ڤە هاتە هەلکرن و نەورۆز ب گەشاتیا ئاگرێ نەورۆزێ هاتە پیرۆز کرن و یارییێن ئاگری، خۆشییەکا دی یا فیستڤالا نەورۆز بوو.