ب ئامادهبوونا د. محهمهدعهلى ياسين هاريكارێ سهرۆكێ زانكۆيێ بۆ كاروبارێن كارگێرى و دارايى و قوتابيان و ڕاگرێن كۆليژان و سهرۆكێن پشكێن خواندنێ، ئهڤرۆ ل رێكهفتى (11/12/2021) ل دهمژمێر (10:30) سپێدێ، ڕێورهسمهكێ تايبهت بۆ خهلاتكرنا 23 قوتابيێن ئێكهم يێن ههردو سالێن خواندنێ (2019-2020) و (2020-2021) هاته گێڕان.
ل دهستپێكێ هاريكارێ سهرۆكێ زانكۆيێ پهيڤهك پێشكێشكر و پيرۆباهيا قوتابيێن ئێكهم كر و خواست ل سهر ڕێكا زانست و زانينێ بهردهوام بن و پاشهڕۆژا خۆ ب دهستێن خۆ نيگار بكهن. ههروهسا دكتۆرى گۆت زانكۆ ب ههمى ڕهنگان پشتهڤانيا قوتابیێن خۆ دكهت و خهلاتكرنا وان ژى ب ئهركێ خۆ دزانيت و داخواز کر کو قوتابيێن ئێكهم ببنه نموونهيا زيرهكى و باوهرى ب خوهبوونێ بۆ ههمى قوتابيێن زانكۆيێ و نموونهيێن وهكو وان ڕۆژ بۆ ڕۆژێ زێدهببن و ناڤێ زانكۆيا نهورۆز بلند ڕابگرن.
ل دووماهییا ڕێورەسمان، قوتابيێن ئێكهم هاتنه خهلاتكرن و دهستخۆشى ل شيان و سهركهفتنا وان هاتهكرن.