زانكۆیا نه‌ورۆز ب هه‌ڤكاریا مالا هه‌رمان یا بێسه‌میانان دلێ زارۆكان خۆش كر

یانەیا خزمەتا جڤاکی و بەرپرسیا کۆمەلایەتی یا زانکۆیا نەورۆز د بەردەوامیا چالاکیێن خۆ دا، ل رۆژا پێنجشەمبی رێکەفتی ٢٠٢٢/٢/١٧ سەرەدانا مالا "هەرمان" یا بێسەمیانان ل خانکێ کر.
ئەندامێن یانەیێ، ب ئەنجامدانا کار و چالاکیێن جودا دلێ زارۆکان خۆش کر و ڕۆژەکا تایبه‌ت ل گەل ئێکدو دەربازکرن. د ناڤ چالاکیاندا، شریناهى ب زارۆکان هاتنەدان و چەندین یاریێن هەمەڕەنگ و بەختەوەر ب هەڤرا کرن، ئێک ژ ئەوان یاریان کو وەکو بیرهاتن ل گەل زارۆکان بمینیت، یاریا ڕەنگکرنا دەستى و چێکرنا شویندەستێن خۆ ل سەر تابلۆیەکێ، کو زارۆک ب بەردەوامى ببینن و ببیتە ژێدەرێ کەیفخۆشیێ. ل مالا بێسەمیانان، نێزیکى 400 زارۆکان هەنە و ل ژێر چاڤدێریا ڕێکخراوا Ourbridge یا ئەلمانى نە.

بەڵاڤ بکە :