قوتابیێن خۆشتڤی، ب خێرهاتنه‌ڤه‌ بۆ سالا خواندنێ ٢٠٢١-٢٠٢٢

زانكۆیا مه‌ بۆ ڤێ سالا خواندنێ دێ یا ڤه‌كری بیت و پرۆسه‌یا خواندنێ دێ د هۆلێن خواندنێدا ب روی ب روی رێڤه‌چیت. بۆ ڤێ ژی، زانكۆیا نه‌ورۆز یا به‌رهه‌ڤه‌ بۆ پێشوازیكرنا وه‌ ل ناڤه‌ندا (كه‌مپسا) زانكۆیێ و بۆ پشته‌ڤانیكرنا وه‌ د رێیا پێشڤه‌چوونا وه‌ یا زانستیدا كارێ پێدڤی هاتیه‌ ئه‌نجامدان.
مه‌ پێشتر هوین ل سه‌ر مه‌رجداریا دانانا ڤاكسینا كۆرۆنایێ ئاگه‌هدار كربوون، كو هیڤیدارین وه‌ ژی هه‌روه‌كو مامۆستا و كارمه‌ندان بجهئینابیت.
پێگیریا وه‌ بۆ ده‌وام و ده‌مێن ئاماده‌بوون د هۆلێن خواندنێدا گرنگیه‌كا مه‌زن هه‌یه‌ و به‌رۆڤاژی ڤێ، دێ رووبه‌رووی پێرابوونان ل گۆر یاسا و رێنماییان بن.
د ڤێ سالا خواندنێدا ژ وه‌ دخوازم، كو بۆ پێشخستن و پێشڤه‌برنا ئاستێ خۆ، مفای ژ هه‌ر ده‌لیڤه‌یه‌كێ وه‌ربگرن.
ساله‌كا پری سه‌ركه‌فتن بۆ وه‌ دخوازم

د. محه‌مه‌دعه‌لی یاسین تاها
هاریكارێ سه‌رۆكێ زانكۆیێ بۆ كاروبارێن كارگێری، دارایی و قوتابیان

شارك :