ل ڕۆژا سێشەمبێ ڕێکەفتى (26/1/2021) ل دەمژمێر (11:00) سپێدێ، ڕێزدار پرۆفیسۆر دکتۆر (عەبدولوەهاب خالد مووسا) سەرۆکێ زانکۆیا نەورۆز پێشەوازى ل بەڕێز پرۆفیسۆر دکتۆر (لەزگین عەبدى جەمیل) سەرۆکێ زانکۆیا زاخۆ و شاندێ د گەلدا کر.
ل دەستپێکێ سەرۆکێ زانکۆیا نەورۆز ب خێرهاتنەکا گەرم ل شاندێ مێهڤان کر، پاشان بەحسێ زانکۆیێ و بزاڤ و چالاکییێن زانستى و سالا نوی هاتەکرن، ژ لایێ خوەڤە سەرۆکێ زانکۆیا زاخۆ دەستخوەشى ل ستافێ زانکۆیا نەورۆز ژ بۆ ئەنجامدانا کار و چالاکییێن زانستى کر.
ژ لایەکێ دیتر د ڕوینشتنێدا بەحسێ پڕۆتۆکۆلا زانستى یا د ناڤبەرا هەر دوو زانکۆیاندا ب مەرەما پێشئێخستنا زانستى و ل هەڤگوهارتنا ستافێ ئەکادیمى و خورتکرنا پەیوەندییێن زانستى هاتەکرن. ئەڤ چەندە ژى د دەمەکێدایە، کو هەر دوو زانکۆیان پرۆتۆکۆلەکا زانستى ل گەل هەڤ ئیمزا کرییە و ب بەردەوامى کار و چالاکییێن جوداجودا ب هەڤڕا ئەنجامددەن.