پێشەوازییا قوتابییێن قۆناغا ئێکێ هاتەکرن
ل ڕۆژا شەمبییێ ڕێکەفتى (12/12/2020) ل دەمژمێر (9:00) سپێدێ، د ڕێورەسمەکێ تایبەتدا و ب ئامادەبوونا ڕێزدار دکتۆر محەمەدعەلى یاسین هاریکارێ سەرۆکێ زانکۆیێ بۆ کاروبارێن کارگێرى و دارایى و بەڕێزان ڕاگرێن کۆلیژان و مامۆستایێن زانکۆیێ؛ پێشەوازییەکا تایبەت ل قوتابییێن قۆناغا ئێکێ هاتەکرن.
جهێ ئاماژەپێدانێیە، کو ل گۆرەى پلانەکا دارشتى و ب ئاگەهدارکرنا ڕاگرێن کۆلیژان، کۆمبوونەکا تایبەت ل گەل قوتابییێن هەمى پشکان ب مەبەستا ب خێرهاتن و دانا ڕێنمایێن تایبەتێن زانکۆیێ هاتەسازکرن.
هەژییەبێژین، کو پڕۆسێسا پێشەوازى و ب خێرهاتنێ بۆ دەمێ دوو ڕۆژان ب پڕۆتوکۆلەکا ئەکادیمى و لبەرچاڤوەرگرتنا ڕێنمایێن ساخلەمییێ بەردەوامبوو.
